FRAGMENTO
FRAGMENTO
FRAGMENTO
Create successful ePaper yourself
Turn your PDF publications into a flip-book with our unique Google optimized e-Paper software.
Horizontes del saber I<br />
Huk Kirkinchus purikusqanpi huk llakisqa, sayk’usqa, yarqasqa Utuskuruta<br />
pampanta suchuqta rikusqa. Utuskuruchaqa hayk’apas khuyapayanas<br />
qura quranta purichkasqa. Chaysi Kirkinchuqa:<br />
—Utuskurucha, ¿maytataq richkankiri — nispa tapurisqa.<br />
—Yurakunapa saphin kastuqmi richkani — nispas Utuskuruqa khatatataspataq<br />
yaqa mana uyarina kunkapitaq kutichikusqa.<br />
Chiriy pachaqa qasakunantin, ch’akiynintin qhiparinsi. Llakiykunapas<br />
waqaykunapas manas riki wiñay wiñaypaqchu. Chaysi paray pacha ununtin<br />
sullantin chayamun. Pacha Mamaqa t’ika hunt’as, ruru hunt’as tarikun.<br />
Kirkinchuwan Utuskuruwanqa yapamantas tinkullankutaq. Kay kutikaqqa<br />
Utuskuruqa umapas huqarisqa, utiy utiyraqsi huk allin sara chakrapi,<br />
chuqllukunantapas sara wiruntapas k’uytukuchkasqa. Kirkinchutaqa manas<br />
rikuqpas tukunchu. Kirkinchuqa musphasparaqsi qhawan, chayhina<br />
apuskachasqanta rikuspataqsi tapurillantaq:<br />
—¿Kunanri maytataq richkanki — nispa.<br />
Utuskuruñataqsi, aswan punkirisparaq, aswan apuskachasparaq<br />
kunkantapas aswan huqarisparaq rakhu kunkamanta kayhinata kutichisqa:<br />
—¡Yana chuqllukunapa sunqun mikhuqmi richkani!<br />
Utuskuruchaqa anchatas umanta huqarisqa, chayraykutaqsi paytaqa huk<br />
Waman rikurquspa rakrarqapusqa.<br />
Muchuypipas, yarqay pachapipas k’umuykuspa suchuq wakcha<br />
runakuna kanmi; ichaqa, imallatapas kawsananpaq tarispaqa, wakcha<br />
kayninkuta qunqarisparaq, imaman tukusparaq umankuta huqarinku.<br />
Vienrrich, Adolfo; Fábulas Quechuas<br />
Tipografía la Aurora de Tarma, Perú, 1946<br />
(Adaptación)<br />
119