download?groupId=31603&folderId=2591194&fileName=bop.PONTEVEDRA.20141007.193

Núm. 193 Martes 7 de outubro de 2014 Páx. 9
5. PRAZO E PRESENTACIÓN DAS SOLICITUDES
As axudas que se contemplan nesta convocatoria poderanse solicitar a partir do día seguinte ó da
súa publicación no BOPPO e durante 30 días naturais.
As solicitudes irán dirixidas ó presidente da Deputación e presentaranse no Rexistro xeral da
institución provincial, ou no da súa sede de Vigo, ou a través de calquera das formas previstas no artigo
38.4 da Lei 30/1992, de 26 de novembro.
Malia o anterior, ó longo do exercicio orzamentario poderanse presentar solicitudes que, por
circunstancias novas ou por causas imprevisibles e excepcionais xustificadas adecuadamente e por
escrito, non puideran presentarse no prazo sinalado no parágrafo anterior. Estas solicitudes, logo de que
a xefa do Servizo de Medio Ambiente emita un informe sobre a existencia das causas que dan lugar á
súa presentación fóra de prazo, tramitaranse de acordo con estas bases, agás o cumprimento dos prazos
e sempre e cando exista consignación orzamentaria. Neste sentido, o organismo provincial poderá
reservar ata un 20 % do crédito total para a súa concesión directa, como se establece na base 25.3 das
Bases de execución do vixente orzamento provincial.
6. VALORACIÓN DAS SOLICITUDES
A concesión das subvencións realizarase en réxime de concorrencia competitiva e avaliaranse por
unha Comisión de valoración que atenderá, para a súa adxudicación individualizada, ós seguintes
criterios:
— Número de socios da cooperativa (ata 15 puntos)
— Volume de facturación e marxe de beneficios da cooperativa (ata 15 puntos)
— Adecuación dos investimentos ó interese provincial (ata 10 puntos)
— Creación de postos de traballo derivados da axuda solicitada (ata 10 puntos)
7. RESOLUCIÓN DA CONVOCATORIA
A instrución do procedemento de concesión destas axudas correspóndelle á xefa do Servizo de Medio
Ambiente, que realizará de oficio todas as actuacións que estime necesarias para a determinación, o
coñecemento e a comprobación dos datos en virtude dos cales se debe formular a proposta de resolución,
de conformidade co previsto no artigo 24 da Lei 38/2003, de 17 de novembro.
A Comisión de valoración avaliará, conforme ós criterios indicados no apartado anterior, cada unha
das solicitudes. Esta comisión estará composta da seguinte maneira:
— Presidente: o presidente da Comisión de desenvolvemento agrogandeiro ou
o deputado en quen delegue
— Vogais: dous técnicos do Servizo de Medio Ambiente e un técnico do Servizo de Intervención
— Secretario: un funcionario do Servizo de Medio Ambiente, sen dereito a voto
A comisión poderá:
— acadar todos os informes que estime necesarios para resolver
— emitir un informe respecto das solicitudes de subvención
A proposta de concesión das axudas someterase ó ditame da Comisión informativa de
desenvolvemento agrogandeiro.
Finalmente, a proposta de resolución elevarase para a súa aprobación definitiva ó órgano competente
segundo o disposto nas Bases de execución do orzamento provincial deste ano e á lexislación vixente.
Transcorridos seis meses, a partir do día seguinte ó remate do prazo para presentar a solicitude, sen
que os interesados obteñan resposta expresa, entenderase desestimada a petición.
www.bop.depo.es u bop@depo.es u Dep. Legal: PO 1-1958