Create successful ePaper yourself
Turn your PDF publications into a flip-book with our unique Google optimized e-Paper software.
22 Hiroshi Nagata kaj Renato Corsetti<br />
Diagramo 11. Juĝita akcepteblo pri frazoj kun sintagmo-konservanta<br />
kaj sintagmo-rompanta disigoj (spertuloj).<br />
kun sintagmo-konservanta disigo kaj kun sintagmo-rompanta disigo kaj pri<br />
la uzo de kromvortoj.<br />
Ni preteratentas, en ĉi tiu analizo, la kutimajn erarojn de komencantoj, kiuj<br />
troviĝas ĉe ĉiuj el la testitaj komencantoj. Ni ankaŭ preteratentas nesistemajn<br />
erarojn pri aliaj gramatikaj punktoj (ekzemple: uzo de la tempoj de la verboj<br />
en dependaj frazoj).<br />
El la metoda vidpunkto ĉi tiu analizo povas esti kritikata, ĉar ĝi sekvas la<br />
tradician analizon de la eraroj, kiu estis komuna jam en la 50-aj jaroj (Lado<br />
1957). Tamen ni, kaj multaj aliaj, rimarkigas, ke ekzistas ankaŭ serio de eraroj,<br />
kies fonto estas la unua lingvo de la lernantoj. Oni povas kiel ajn diskuti pri<br />
la ekzisto aŭ neekzisto de reguloj de Universala Gramatiko (Bettoni 2001), pri<br />
la rekta aŭ nerekta alirebleco de tiuj reguloj fare de la lernantoj (Pienemann<br />
1989). Restas faktoj, kiuj estas malfacile klarigeblaj alimaniere.