Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
No apartado de información ecolóxica descríbense os principais efectos que ten
o produto sobre o medio ambiente. A lexislación pon espacial interese na relación
co medio acuático ou a liberación de certos compostos á atmosfera, como son os
COV (compostos orgánicos volátiles). A información facilitada neste punto procede
das FDS e no caso de se facilitaren nas mesmas, inclúense os datos dos ensaios
de Toxicidade para o medio acuático e as medidas dos factores de biodegradación
e bioconcentración que se puideran ter realizado sobre a substancia. Este
tipo de información pode axudar a promover un comportamento responsable por
parte dos traballadores/as, evitando verter pequenas cantidades de produtos na
rede de sumidoiros, o solo, etc.
Medidas preventivas para a manipulación e control da exposición:
Neste bloque facilítase a información de interese para unha almacenaxe e manexo
seguros do produto, pautas xerais de comportamento en base ás características
das substancias como o feito de seren inflamables, acumularen carga electrostática,
etc.; e as circunstancias axeitadas para a súa almacenaxe así como os
recipiente compatibles e incompatibles. Inclúese tamén un apartado no que se
describen os medios de protección persoal (EPIS) necesarios para o traballo co
produto así como os valores límite de exposición legalmente establecidos, no
caso de existiren. Este apartado non resulta todo o concreto que debera para
todos os produtos, por unha cuestión do tempo dispoñible para a elaboración da
guía, fundamentalmente, e nalgunhas ocasións non se especifican exactamente
as características concretas dos EPIs ou se remite a considerar co fabricante as
súas características.
Apórtase tamén información sobre as pautas a seguir no caso de verteduras accidentais
dos produtos e a actuación recomendada no caso de seren necesarios
os primeiros auxilios.
É importante que os traballadores/as coñezan os produtos que manipulan ou que
se atopan ao redor do seu posto de traballo para non se veren desbordados en
circunstancias imprevistas como pode ser, por exemplo, o caso dunha vertedura
accidental. Tamén resulta de utilidade coñecer as pautas básicas de actuación en
primeiros auxilios axeitados ao tipo de produtos que se están a manipular.
Nun apartado final recóllese outra información de interese sobre a substancia,
como poden ser o feito de que estea incluída no cadro de enfermidades profesio-
Confederación Intersindical Galega 63