Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
2 | clasificación dos produtos
Tratarase, a continuación, de dar forma ao bloque fundamental desta guía, a clasificación
de produtos de uso frecuente en diferentes sectores produtivos do noso
entorno para posteriormente proceder a unha descrición detallada das mesmas,
dos seus riscos e das medidas preventivas que se fan necesarias para unha axeitada
protección dos traballadores/as que entran en contacto con elas.
Por medio deste traballo, búscase facilitar información referida a unha selección
de produtos químicos que se empregan en distintos sectores industriais, poñendo
especial atención a aqueles produtos que inclúen na súa composición algún compoñente
de tipo perigoso.
Dada a gran diversidade de substancias e de diferentes procesos industriais,
queda lonxe de calquera pretensión realizar neste traballo unha análise exhaustiva
dos mesmos; máis ben, o que se pretende é facer unha pequena selección dalgúns
deles e traballar e organizar a información que existe ao respecto de xeito
que resulte útil, visual e comprensible para os traballadores/as.
O procedemento a seguir para a clasificación dos produtos, está en relación coa
natureza química dos seus compoñentes perigosos. Así, a sección atópase dividida
en dous apartados.
■■Un apartado inicial no que se facilita información sobre produtos dun único
compoñente, denominado “Produtos I: Substancias”. Contén unha relación
de produtos formados por substancias puras ou por disolución acuosa das
mesmas, clasificados pola súa natureza orgánica ou inorgánica.
■■O segundo apartado dedícase a produtos formados por varios compoñentes,
denominado “Produtos II: Mesturas”. Contén unha relación de produtos clasificados,
ben polo seu uso, como é o caso dos combustibles e disolventes, ben
pola composición, como é o caso das naftas de petróleo.
A continuación axúntase un esquema sobre o formato elixido para facilitar a información
sobre as substancias e mesturas que se tratarán na guía así como unha
xustificación dos contidos elixidos. Debe de quedar claro que as táboas a continuación
NON son fichas de seguridade dos produtos, como se pode comprobar
Confederación Intersindical Galega 59