Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
1.3 Clasificación e etiquetaxe de produtos químicos
A clasificación, envasado e etiquetaxe das substancias e mesturas xurde, entre outros
factores, da necesidade de que os traballadores e traballadoras que manipulan
diversas substancias e preparados químicos estean protexidos fronte a certos
aspectos prexudiciais que estas poden presentar. Así, nos distintos países fóronse
desenvolvendo diferentes mecanismos para a súa clasificación e etiquetaxe. Con
todo, estes sistemas, propios de cada país, presentan importantes discrepancias
entre si de xeito que, unha mesma substancia producida en países diferentes, pode
ter unha clasificación distinta. Por exemplo o Molibdato de Sodio, empregado como
pesticida, está clasificado como non perigoso en China e como tóxico en Xapón.
Dende Nacións Unidas acordouse, para unha comunicación equivalente dos perigos
das substancias químicas a todos os traballadores e traballadoras do mundo,
a adopción dun sistema de clasificación e etiquetaxe baseado nun Sistema Global
Harmonizado (GHS).
A actual normativa Europea do CLP 8 desenvólvese de acordo con este sistema harmonizado
global, pero actualmente aínda coexisten os dous sistemas, o anterior,
coñecido como DSD/DPD derivado do RD 363/1995 9 e 255/2003 10 , procedentes
á súa vez das directivas 67/548 CE e 1999/45 CE (en diante denominaremos
este sistema como RE), e o novo sistema CLP que se terá totalmente implantado
en Xuño do 2015.
Os dous sistemas fan unha clasificación dos perigos diferente, pero comparable.
Co fin de que resulte máis doado asimilar os cambios que finalmente se verán
impostos, faise a continuación unha comparativa dos dous sistemas para os compostos
coas características que seguen:
■■Tóxicos (Toxicidade aguda)
■■Tóxicos (Toxicidade sistémica)
■■Corrosivos -Irritantes
■■Sensibilizadores
8
(CLP) Regulamento (CE) nº 1272/2008 do Parlamento Europeo e do Consello sobre clasificación, etiquetaxe e envasado de
substancias e mesturas. Foi aprobado o 16 de decembro de 2008.
9
Real Decreto 363/1995, de 10 de marzo, polo que se aproba o Regulamento sobre notificación de substancias novas e
clasificación, envasado y etiquetaxe de substancias perigosas.
10
Real Decreto 255/2003, de 28 de febreiro, polo que se aproba o Regulamento sobre clasificación, envasado e etiquetaxe
de preparados perigosos.
Confederación Intersindical Galega 45