Risco químico: Guía básica de produtos - Saúde Laboral

RISCO QUÍMICO capítulo 1. información de interese
Cando hai que usar un EPI?
Cando, tras unha avaliación de riscos, se detecte que as medidas preventivas ou de protección
colectiva ou organizativas resultan insuficientes.
No caso de que as medidas preventivas ou de protección colectiva ou organizativas resulten
inviables, por non existir solucións técnicas ou doutro tipo que permitan resolver o problema.
Cando as medidas preventivas ou de protección colectiva oportunas non poidan ser adoptadas
de forma inmediata, e de forma provisional deba recorrerse ao uso de EPIs ata que a implantación
se leve a cabo de forma eficaz.
Utilización puntual de EPIs en tarefas eventuais nas que non se xustifique implantar medidas
permanentes. Deberá de garantirse que o seu uso proporciona unha protección eficaz.
En situacións de emerxencia, rescate ou autosalvamento, nas que deberán empregarse sempre.
Como complemento doutras accións xa implantadas nas que non se garanta o control
suficiente dunha situación de risco.
Cando se traballa con substancias e mesturas perigosas, segundo as indicacións das
fichas de seguridade, considerarndo o ámbito e as condicións nas que se vai utilizar o
produto químico.
Os EPIs deben de proporcionar unha protección eficaz fronte aos riscos que motivan
o seu uso, e na súa elección participarán os traballadores/as ou os seus
representantes. Para garantir que dita protección sexa tal, deberán de cumprir
cunha serie de requisitos:
Os EPIs deben de proporcionar:
Grao necesario de protección que precisa unha situación de risco.
Grao de protección que ofrece o equipo nesa situación de risco.
Adecuación aos riscos fronte aos que debe protexer, por exemplo, un equipo respiratorio debe
adecuarse ao tipo de contaminate que existe no lugar de traballo (orgánico, inorgánico, po...etc.)
O EPI non debe de constiruír un risco en si mesmo, nin incrementalo, por exemplo,
elección inadecuada de guantes, mal uso ou desgaste, poden facer que un contaminante
sexa absorbido pola pel.
Ser adecuado para as características personais de cada traballador/a, poñendo atención
nas esixencias ergonómicas e de saúde dos mesmos, cos axustes precisos.
Ser compatible con outros EPIs posto que poden existir riscos simultáneos.
38 Confederación Intersindical Galega