Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
Cando se esgoten, por tanto, as posibilidades de protección mediante medidas
colectivas, técnicas ou organizativas, será posible o uso dos EPIs como alternativa
de protección ou como complemento doutras medidas.
Con todo, a protección da seguridade e saúde dos traballadores pode requirir
o uso destes equipos e a lexislación establece unha serie de obrigas tanto para
empresarios como para traballadores e traballadoras, que se describen a continuación.
Información xeral
Obrigas do empresario:
Determinar os postos de traballo nos que se deba recurrir á protección individual e precisar,
para cada un dos postos, o risco ou riscos fronte aos que se debe de ofrecer protección, as
partes do corpo a protexer e o tipo de equipo ou equipos de protección individual que se deberán
utilizar.
Elixir os equipos de protección individual e facilitar información sobre cada equipo.
Proporcionar gratuitamente aos traballadores/as os equipos de protección individual que deban
empregar, repoñéndoos cando resulte necesario.
Velar polo uso e mantemento correcto dos EPIs
Obrigas dos traballadores e traballadoras:
Utilizar e coidar corretamente os equipos de protección individual.
Colocar o equipo de protección individual despios da súa utilización no lugar indicado para
iso.
Informar de inmediato ao superior xerárquico directo de calquera defecto, anomalía ou dano
apreciado no equipo de protección individual utilizado que, ao xuízo do traballador/a, poida
entrañar unha pérdida da súa eficacia protectora.
Tendo en conta esta orde xerárquica das medidas de protección, pode xurdir a
dúbida de cando é necesaria a utilización de equipos de protección individual. A
decisión do seu uso debe proceder dunha avaliación axeitada dos riscos, con medicións
se fosen precisas e en base a iso, establecer a necesidade de utilización
dos mesmos.
Confederación Intersindical Galega 37