Risco químico: Guía básica de produtos - Saúde Laboral

RISCO QUÍMICO capítulo 1. información de interese
Vemos, polo tanto, que o establecemento dos valores límite ambientais e
biolóxicos é unha ferramenta útil para a xestión preventiva, que permite
comparar as concentracións de contaminante atopadas, cunha referencia que indique
as medidas a tomar nos postos de traballo, co fin de preservar a saúde dos
traballadores/as. Pero non hai que esquecer que, xa dende a súa propia definición,
estes valores límite non son unha garantía total e pode haber persoas que non se
vexan protexidas por tales valores. Non constitúen unha barreira definida de
separación entre situación segura e perigosa. Polo tanto, e de acordo cos
principios da acción preventiva, a tendencia por parte dos empresarios/as debe
ser a de aplicación do principio de substitución.
A substitución dos axentes químicos perigosos debe de ser a medida
preventiva prioritaria fronte aos riscos derivados da presenza de axentes
químicos no traballo.
1.2.4 Os equipos de protección individual (EPIs)
Os equipos de protección individual, que en diante chamaremos EPIs, defínense
no R.D. 773/1997 5 como “calquera equipo destinado a ser levado ou suxeitado
polo traballador/a para que o protexa dun ou varios riscos que poidan ameazar
a súa seguridade ou saúde no traballo, coma tamén calquera complemento ou
accesorio destinado a tal fin.”
A pesar de que o uso de equipos de protección individual é unha das
medidas máis estendidas é a menos eficiente, a última na xerarquía de
control e a última que debera ser implantada nos centros de traballo.
Como se especifica no artigo 17 da Lei de PRL 6 , “só deben de empregarse cando
os riscos non se poidan evitar ou non poidan limitarse suficientemente por medios
técnicos de protección colectiva ou mediante medidas, métodos ou procedementos
de organización do traballo”.
5
Real Decreto 773/1997, 30 de Maio, sobre disposicións mínimas de seguridade e saúde relativas á utilización polos
traballadores de equipos de protección individual. BOE nº 140 12-06-
6
Lei 31/1995, de 8 de Novembro, de Prevención de Riscos Laborais. BOE nº 269 10-11-1995.
36 Confederación Intersindical Galega