Risco químico: Guía básica de produtos - Saúde Laboral

RISCO QUÍMICO capítulo 1. información de interese
Os indicadores biolóxicos poden ser de dous tipos:
■■Indicador biolóxico de dose: o parámetro mide a concentración do axente
químico (directamente ou de algún metabolito) nun medio biolóxico do traballador
exposto, polo tanto, danos a concentración do axente no organismo do
traballador/a medindo a cantidade. (Sería o caso do cobalto).
■■Indicador biolóxico de efecto: o parámetro pode identificar alteracións bioquímicas
reversibles inducidas de xeito característico polo axente químico, polo
tanto, nos da a concentración do axente químico no organismo do traballador
medindo un efecto que produce. (Sería o caso do monóxido de carbono, que
transforma a hemoglobina en carboxihemoglobina).
Valores límite biolóxicos (VLB)
Os Valores Límite Biolóxicos representan os niveis máis probables dos Indicadores
Biolóxicos en traballadores sans sometidos a unha exposición global a axentes
químicos, equivalente, en termos de dose absorbida, a unha exposición exclusivamente
por inhalación da orde do VLA-ED.
É dicir, cando un traballador san, absorbe diariamente unha cantidade de contaminante
aproximadamente igual ao VLA-ED establecido, a cantidade de indicador
biolóxico para ese axente no seu organismo debería de ser o VLB.
Por exemplo, un traballador/a exposto aproximadamente a 20 ppm de Estireno ao
día por inhalación, que é o valor do VLA-ED, debería conter no seu sangue entorno
a 0,2 mg/L de Estireno. Se o traballador/a presentase unha concentración maior,
habería que avaliar a razón dese valor.
A excepción a esta regra constitúena algúns axentes para os que os VLA asignados
protexen contra efectos non sistémicos. Nestes casos, os VLB poden representar
doses absorbidas superiores ás que se derivarían dunha exposición por
inhalación ao VLA.
Cando a medida nun traballador/a, dun determinado indicador biolóxico supere o
VLB correspondente, non debe deducirse, sen máis análise, que ese traballador
está sometido a unha exposición excesiva, xa que pode haber factores externos
aos laborais responsables desta inconsistencia nos resultados.
34 Confederación Intersindical Galega