Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
seus vapores coas partes desprotexidas da pel, e este aporte pode resultar significativo
para a dose absorbida polo traballador/a, o axente en cuestión aparece
sinalado na lista coa notación “vía dérmica”. Esta chamada advirte , por unha
banda, de que a medición da concentración ambiental pode non ser suficiente para
cuantificar a exposición global e, por outra, a necesidade de aportar medidas para
a prevención da absorción cutánea.
1.2.3 O Control biolóxico da exposición
Actualmente os indicadores biolóxicos asociados á exposición a compostos químicos
adquiren unha grande importancia como complemento do control ambiental
da exposición laboral dos traballadores/as.
Permiten comprobar a efectividade dos equipos de protección individual ou detectar
unha posible absorción dérmica e/ou gastrointestinal ademais da inhalación.
Así, cando a penetración pola vía dérmica dun axente químico pode resultar significativa
para o contido corporal total é aconsellable a utilización do control biolóxico
para poder cuantificar a cantidade global de contaminante absorbida.
Enténdese por Indicador Biolóxico (IB) un parámetro axeitado, nun medio biolóxico
do traballador que se mide nun momento determinado e está asociado
directa ou indirectamente coa exposición global (por todas as vías de entrada) a
un axente químico.
Os medios biolóxicos máis comúns son o aire exhalado, o sangue venoso e a
urina, e os parámetros poden ser directos ou indirectos.
Un exemplo sinxelo pode ser o dos metais. Nun traballador/a exposto a compostos
de Cobalto (non óxidos) pódese medir o parámetro “Cobalto” no medio
biolóxico “urina” para saber canta cantidade deste axente “composto de Cobalto”
penetrou no seu organismo.
O caso dun parámetro indirecto sería o de un traballador exposto a monóxido de
carbono. Mídese o parámetro “carboxihemoglobina” no medio biolóxico “sangue”
para medir a cantidade de axente “monóxido de carbono” presente no organismo
do traballador.
Confederación Intersindical Galega 33