Risco químico: Guía básica de produtos - Saúde Laboral

RISCO QUÍMICO capítulo 1. información de interese
Valores límite ambientais (VLA)
Son valores de referencia para as concentracións dos axentes químicos no aire,
e representan condicións nas que se cre que a meirande parte dos traballadores
poden estar expostos 8 horas diarias e 40 horas semanais durante toda a súa
vida laboral, ser sufriren efectos adversos para a súa saúde.
Fálase da maioría e non da totalidade dos traballadores/as posto que, debido
ás diferentes respostas posibles dos distintos individuos, coma son os factores
xenéticos ou as diferentes condicións e hábitos de vida, unha pequena porcentaxe
de traballadores/as podería experimentar molestias a concentracións inferiores
destes valores límite ou incluso resultar afectados seriamente ou desenvolver unha
patoloxía laboral.
Os VLA publicados polo INSHT no documento “Límites de Exposición Profesional
para Agentes Químicos en España” aparecen tabulados e representados como
se indica no seguinte exemplo. Axúntanse ao final as definicións de cada un dos
aspectos recollidos na táboa para unha boa comprensión da mesma.
Nº CE Nº CAS
Axente
Químico
VLA-ED
Valores Límite
VLA-EC
ppm mg/m 3 ppm mg/m 3
Notas
Frases H
202-851-5 57-24-9 Estireno 20 86 40 172 VLB, ae 226-332-319-315
204-825-9 127-18-4 Percloroetileno 25 172 100 689 VLB, ae 351-411
Nº CE: Número oficial asignado á substancia na Unión Europea.
Nº CAS: Número internacional asignado á substancia polo Chemical Abstract Service.
VLA-ED: Valor Límite Ambiental de Exposición Diaria. É a concentración media do axente químico na zona de
respiración do traballador medida ou calculada de forma ponderada con respecto ao tempo para unha xornada
laboral real e referida a unha xornada estándar de 8 horas.
VLA-EC: Valor Límite Ambiental de Exposición Curta. É a concentración media do axente químico na zona de
respiración do traballador medida ou calculada para calquera período de 15 minutos ao longo dunha xornada
laboral (excepto que se especifiquen tempos inferiores para o axente). O habitual é determinar exposicións curtas
de interese en períodos de máxima exposición, tomando mostras de 15 minutos de cada un deles.
ppm: partes por millón en volume de aire, equivalente a (mL de contaminante por m 3 de aire).
mg/m 3 : miligramos de axente por metro cúbico de aire a 20º C e 101,3 kPa de presión, equivalente a 760 mm
de mercurio.
Notas: neste apartado inclúese información de interese sobre o axente químico como pode ser “ae” que significa
que o contaminante ten propiedades de alterador endócrino, “VLB” que significa que o contaminante ten asociados
valores límite biolóxicos.
Frases H: son o equivalente ás frases R para o novo regulamento CLP. Informan dos perigos recoñecidos para
cada axente.
Os VLA serven exclusivamente para a avaliación e o control de riscos por
inhalación dos axentes químicos. Cando un destes axentes pode ser absorbido
por vía cutánea, ben por manipulación directa do mesmo ou polo contacto dos
32 Confederación Intersindical Galega