Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
EFECTO
DOSE
CONCENTRACIÓN
TEMPO DE EXPOSICIÓN
De acordo con isto, establécense unha serie de valores permitidos de axentes
químicos no aire que non se deben de superar, para que sirvan de referencia na
protección da saúde dos traballadores/as.
Os Valores Límite de Exposición Profesional
Dende hai máis de cincuenta anos, no eido da Saúde Laboral trabállase no establecemento
de límites de exposición para axentes químicos no ambiente laboral,
medidos tanto no aire que respiran os traballadores/as (VALORES LÍMITE AMBIENTAIS)
coma nos seus fluídos biolóxicos (VALORES LÍMITE BIOLÓXICOS) para poder comparar
as concentracións atopadas, cunha referencia que indique as medidas a tomar nos
postos de traballo, co fin de preservar a saúde dos traballadores/as.
Mediante estes mecanismos preténdese controlar, por unha banda, a inhalación de
contaminantes nos postos de traballo e, por outra, coñecer a cantidade de tóxico
que finalmente penetra nos traballadores/as polas diferentes vías de exposición.
O Instituto Nacional de Seguridade e Hixiene no Traballo (INSHT), publica e divulga
regularmente o documento “Límites de Exposición Profesional para Axentes Químicos
en España” 3 , no que se recollen os Valores Límite Ambientais e os Valores
Límite Biolóxicos aplicables. O propio INSHT revisa anualmente o documento levando
a cabo as actualizacións e modificacións pertinentes no mesmo.
A directiva do Consello 98/24/CE 4 define o valor límite de exposición profesional
(LEP) como o límite de concentración media ponderada no tempo dun axente
químico no aire na zona de respiración do traballador/a con relación a un período
de referencia específico. Tamén se define o valor límite biolóxico (VLE) como o
límite de concentración no medio biolóxico axeitado dun axente químico, o seu
metabolito ou outro indicador de efecto.
3
Límites de Exposición Profesional para Axentes Químicos en España 2012”. A. Aguilar; N. Cavallé; E. Gadea; V. Gálvez e
varios. Ministerio de Emprego e Seguridade Social. Instituto Nacional de Seguridade e Hixiene no Traballo.
4
Directiva 98/24/CE do Consello, de 7 de abril de 1998, relativa á protección dea saúde e a seguridade dos traballadores/
as contra os riscos relacionados cos axentes químicos durante o traballo (decimo cuarta Directiva específica con respecto ao
apartado 1 do artigo 16 da directiva 89/391/CE). (Diario oficial nº L 131 de 5/5/1998, p.11).
Confederación Intersindical Galega 31