Risco químico: Guía básica de produtos - Saúde Laboral

RISCO QUÍMICO capítulo 1. información de interese
Información toxicolóxica.
Nesa sección apórtase información sobre os resultados toxicolóxicos realizados
sobre o produto/substancia para coñecer os seus efectos por inxestión, contacto
coa pel, cos ollos,…etc. Normalmente son resultado da experimentación con
animais e os datos, indican as especies sobre as que se levan a cabo os ensaios
e a vía de exposición, por exemplo, DL 50
en rata subministrando o produto por vía
oral, sumamente corrosivo en coello,…etc. Ás veces inclúese neste apartado información
sobre a sintomatoloxía do produto, por exemplo, por inxestión provoca
trastornos gastrointestinais, alteracións do ritmo cardíaco ou, en contacto coa pel
presenta risco de irritación cutánea, etc. Noutros casos esta información aparece
noutros apartados, ou non aparece.
No apartado 3 “Clasificación e etiquetaxe de produtos químicos” deste capítulo
da guía, detállase máis información sobre a clasificación das substancias e produtos
en base á súa toxicoloxía e se comparan os dous posibles sistemas de
clasificación que aínda coexisten actualmente e que diferenciamos como (DSD/
DPD e CLP).
Información ecolóxica.
Nesta sección facilítase información relativa aos riscos para o medio ambiente
asociados aos produtos, tendo unha especial relevancia o medio ambiente acuático,
aínda que tamén se teñen en conta outros medios (terrestre e atmosfera).
Os elementos básicos de clasificación dos perigos para o medio ambiente
acuático no sistema global armonizado e CLP están relacionados con:
■■a Toxicidade acuática aguda (a curto prazo)
■■a Toxicidade acuática crónica (a longo prazo)
■■a capacidade de bioacumulación (proceso de acumulación de substancias
químicas en organismos vivos)
■■a capacidade de degradación (descomposición).
O sistema de clasificación consta dunha categoría de Toxicidade aguda e tres de
Toxicidade crónica. Os criterios para clasificar unha substancia na categoría 1 de
Toxicidade aguda están definidos en base aos datos de Toxicidade aguda acuática
(CE 50
ou CL 50
), mentres que os relativos á Toxicidade crónica combinan dous tipos
26 Confederación Intersindical Galega