Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
produto ou substancias coas que se debe de evitar ou controlar o contacto polo
perigo da reacción.
Controis de exposición/Protección persoal.
Facilítase información relativa á protección no que se refire a medios de protección
persoal. Danse indicacións xerais e concretas para cada produto en función
dos riscos e das vías de exposición. Concrétase información sobre equipos de
protección individual (EPIS). Tipo de protección fronte á inhalación, por exemplo,
empregar protección respiratoria tipo A, tipo de guantes apropiados para a protección
das mans (caucho, nitrilo, neopreno... de grosor concreto), protección axeitada
dos ollos e do resto do corpo. Hai que ter en conta que o tipo de protección
necesaria pode variar dependendo do tipo de operación que se realice co produto.
Neste apartado indícanse tamén os valores dos límites de exposición profesional
(LEP), establecidos para a substancia ou asociados ao produto, no caso de existiren.
No apartado 2.4 “Os equipos de protección individual” deste capítulo da guía
axúntase información de interese sobre os equipos de protección individual e
no apartado 2.2 “O control ambiental da exposición”, aparece información máis
detallada sobre os valores límite, ambientais e biolóxicos.
Propiedades físicas e químicas.
Descríbense os parámetros fisicoquímicos máis relevantes da substancia/produto
como son as propiedades organolépticas (estado físico, cor, olor…) e outros
aspectos interesantes para a súa manipulación e uso como a densidade, a viscosidade,
a solubilidade, os índices de inflamabilidade,…etc.
Estabilidade e reactividade.
Aporta información sobre a capacidade do produto de cambiar de estado, de
modificar a súa composición ou de reaccionar con outros elementos coma o
propio aire, determinados recipientes…etc. Hai substancias que poden formar
mesturas explosivas co aire, substancias que poden reaccionar con elementos
metálicos liberando gases explosivos, substancias que reaccionan violentamente
con outras… Esta información é fundamental á hora de deseñar e levar a cabo as
operacións de traballo.
Confederación Intersindical Galega 25