Risco químico: Guía básica de produtos - Saúde Laboral

RISCO QUÍMICO capítulo 1. información de interese
coa pel pode producir resecamento ou fendas…; a inxestión pode ocasionar trastornos
gastrointestinais… etc. Noutros casos esta información aparece noutros
apartados, ou non aparece.
Primeiros Auxilios.
Inclúese a información necesaria para unha actuación rápida de primeiros auxilios
no caso dunha exposición irregular ao produto; un contacto accidental ben sexa
por inhalación, contacto coa pel, os ollos ou inxestión. Danse as pautas básicas
para unha primeira actuación como por exemplo, lavado con auga e xabón (ou
non) da zona afectada, provocar(ou non) o vómito no caso de inxestión… etc.
Medidas de loita contra incendios.
Información relativa ao xeito de actuar en caso de incendio: os medios que deben
de empregarse para a extinción do lume e os que non son apropiados, perigos
particulares do produto como, por exemplo, a emanación gases perigosos que se
poden formar por descomposición térmica. Recomendacións para o persoal de
loita contra incendios, como indicacións sobre os equipos de protección necesarios.
Inclúense, nalgúns casos, consellos adicionais como pode ser, por exemplo,
a necesidade de recoller por separado as augas da extinción para evitar que
penetren na rede de sumidoiros.
Medidas en caso de vertedura/liberación accidental.
Descríbense as pautas de actuación para a protección das persoas: os equipos
de protección necesarios para a actuación, tamén as medidas de precaución para
protexer o medio ambiente, como por exemplo, a necesidade de evitar que o produto
chegue á rede de sumidoiros, solos ou augas, e os métodos axeitados para
a recollida e limpeza, como pode ser a utilización de absorbentes non inflamables,
a necesidade de restrinxir o uso de auga para a limpeza…etc.
Manipulación e Almacenaxe.
Nesta sección explícanse as medidas básicas, xerais e espaciais para a manipulación
e almacenaxe dos produtos, como poden ser a necesidade de evitar
a formación de po ou aerosois, os recipientes axeitados e os incompatibles co
24 Confederación Intersindical Galega