Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
riscos asociados ás frases R/H e deixan para apartados posteriores a información
de etiquetaxe.
Dependendo do tipo de produtos, a información do perigo e da clasificación e
etiquetaxe pode aparecer segundo o modelo normativo DSD/DPD 1 ou segundo
o novo sistema mundial harmonizado recollido na normativa CLP, que se verá
imposta finalmente.
Os perigos debidos aos produtos químicos clasifícanse (segundo CLP) nos apartados
que se indican:
■■Perigos físicos como poden ser o risco de incendio ou explosión debido á inflamabilidade
do produto ou á súa capacidade de formar mesturas explosivas
co aire; o feito de que o produto estea contido nun recipiente a presión coma
as bombonas de gas licuado, ou que resulte corrosivo para os materiais.
■■Perigos para a saúde humana como poden ser a Toxicidade aguda (exposición
intensa nun curto período de tempo) ou crónica (exposición progresiva
a pequenos intervalos de tempo), a capacidade dunha substancia de afectar
a determinados órganos, o seu potencial canceríxeno, mutáxeno ou tóxico
para a reprodución. Para cada caso tense en conta a forma de exposición: a
inhalación , a inxestión, a penetración a través da pel ou o contacto cos ollos.
■■Perigos para o medio ambiente, especialmente para o medio ambiente
acuático, tendo en conta a mobilidade da substancia, normalmente relacionada
coa solubilidade na auga, a súa persistencia no medio e a súa capacidade
de degradarse ou de quedar acumulada nos organismos vivos. No
apartado de información ecolóxica das fichas facilítase máis información a
este respecto. Dentro da UE, inclúese tamén neste apartado o posible perigo
de que a substancia afecte á capa de ozono.
As indicacións dos perigos atópanse codificadas nas Frases R e/ou nas frases
H. Dependendo da normativa empregada e dependendo de cada caso estas frases
poden ir acompañadas de pictogramas que alertan do perigo.
Neste apartado sobre o perigo, algúns fabricantes inclúen tamén información
sobre a sintomatoloxía dependendo da vía de exposición, por exemplo, a inhalación
produce irritación das vías respiratorias, vertixe, dor de cabeza…; o contacto
1
DSD/DPD: Real Decreto 363/1995, de 10 de marzo, polo que se aproba o Regulamento sobre notificación de substancias
novas e clasificación, envasado e etiquetaxe de substancias perigosas./ Real Decreto 255/2003, de 28 de febreiro, polo que
se aproba o Regulamento sobre clasificación, envasado e etiquetaxe de preparados perigosos.
Confederación Intersindical Galega 23