Risco químico: Guía básica de produtos - Saúde Laboral

RISCO QUÍMICO capítulo 1. información de interese
Identificación dos compoñentes perigosos.
Outro aspecto interesante deste apartado é a propia identificación destes compoñentes
perigosos. En moitos casos, a nomenclatura química, as traducións, etc.,
poden dar lugar a confusión cos nomes das substancias. Debido a isto, existen
dende hai anos, varios sistemas de identificación de substancias que axudan a
evitar este tipo de erros.
■■Número CAS: é un número de identificación, asignado polo Chemical Abstracts
Service da división da Sociedade Americana de Química, para cada
composto químico que aparece descrito na literatura científica. É o sistema
de clasificación internacional mais estendido polo que este número adoita
aparecer sempre como elemento básico de identificación. CAS tamén mantén
unha base de datos dos compostos químicos, coñecida como rexistro CAS.
Os números asígnanse en orde crecente conforme as substancias se van
incorporando á base de datos e non teñen un significado inherente nin se
asocian á natureza química da substancia identificada. Non obedecen a ningún
sistema de nomenclatura químico.
Dentro de Unión Europea existen tamén criterios propios de clasificación, como son:
■■Número CE: é un número asignado pola autoridades europeas que identifica
ao produto. Pódese consultar na base de datos EINECS. Con todo, emprégase
máis o número de identificación internacional CAS, que tamén se pode obter
na base de datos EINECS. (Dito inventario establece a lista definitiva de todas
as substancias que, en principio, se atopaban no mercado comunitario a 18
de setembro de 1981).
■■Número índice: é o número co que a substancia aparece no índice de identificación
de cada substancia perigosa empregado na Comunidade Europea.
Aparece en forma dunha secuencia de cifras de tipo ABC-RST-VW-Y. ABC
corresponde ao número atómico do elemento ou do grupo orgánico máis
característico da molécula. RST representa o número consecutivo da substancia
nas series ABC. VW indica a forma na que a substancia se produce ou
comercializa. Y é o díxito de control calculado de conformidade co método
ISBN de 10 díxitos.
Identificación dos perigos.
Neste apartado, algunhas das fichas fan referencia á información completa de
clasificación e etiquetaxe do produto. Noutros casos, informan unicamente dos
22 Confederación Intersindical Galega