Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
Axente mutáxeno:
Aquel capaz de aumentar a frecuencia de mutación das poboacións celulares, é
dicir, de producir cambios no material xenético das células. Tales mutacións poden
producirse en células xerminais: conteñen material xenético que se transmite á
próxima xeración ou en células somáticas: forman o crecemento dos tecidos e
órganos a partires de células nai procedentes do tecido embrionario.
Disruptores endócrinos:
Substancias químicas capaces de alterar o equilibrio hormonal e de modificar os
procesos fisiolóxicos controlados polas hormonas, xerando unha resposta maior
ou menor da normal.
Tóxicos para a reprodución:
Substancias ou axentes que afectan á saúde reprodutiva da muller ou do home, ou
á capacidade das parellas para teren fillos/as sans. Diferéncianse:
■■Tóxicos para a fertilidade: poden producir diminución da libido, dificultade
eréctil ou de exaculación, alteracións no ciclo menstrual, dano nos óvulos…
■■Tóxicos para o desenvolvemento da descendencia: poden producir problemas
no desenvolvemento normal do feto, morte fetal, enfermidades na
infancia e a madurez…
■■Tóxicos para a lactación: afectan á capacidade de lactación, ben impedindo
ou diminuíndo a produción de leite ou contaminándoo.
Bioacumulación:
Retención progresiva dunha substancia nos tecidos dun organismo durante un período
da súa vida. Esa acumulación pode transmitirse por medio da cadea trófica.
Biodegradación:
Proceso a través do cal unha substancia orgánica pode transformarse noutras
máis sinxelas por mor da acción, principalmente, dos microorganismos.
Eutrofización:
Proceso mediante o cal se perturban as poboacións dalgunhas especias da flora
das masas de auga, debido a unha fertilización excesiva. Producida xeralmente
polo uso excesivo e verteduras de fertilizantes ou compostos nitroxenados.
Confederación Intersindical Galega 185