Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
5.2 Definicións relacionadas cos perigos
Toxicoloxía laboral:
Rama da toxicoloxía que se encarga de estudar as intoxicacións producidas polos
produtos químicos empregados no traballo. Conséguese así información necesaria
sobre a toxicidade dos produtos e as alteracións que producen sobre o
organismo, para tentar evitar os riscos destes produtos que penetran no corpo
do traballador/a debido á súa manipulación e uso.
Tóxico:
Calquera substancia ou materia que, introducida no organismo por calquera vía, é
capaz de causar un dano biolóxico ou a morte.
Toxicidade:
Capacidade dun contaminante de ocasionar danos mediante efectos biolóxicos
adversos cando chega a un punto susceptible do corpo, por acción
química.
Dose de contaminante:
Cantidade de tóxico que acada o organismo do traballador/a ou a concentración
á que o traballador/a está sometido nun tempo determinado. Depende da concentración
de contaminante no lugar de traballo e do tempo de exposición.
■■Concentración: cantidade de contaminante presente no ambiente de traballo.
■■Tempo de exposición: duración do contacto entre o contaminante e o organismo
do traballador/a.
Susceptibilidade individual:
Característica de cada persoa segundo idade, sexo, raza, estado persoal, factores
xenéticos, hábitos alimentarios, hixiene persoal… que fai que as persoas
reaccionen de xeito diferente a unha mesma dose de contaminante.
Intoxicación:
Efecto que se produce por exposición, inxestión, inxección ou inhalación dunha
substancia tóxica. A súa gravidade depende da toxicidade do produto, do modo
de penetración no organismo, da dose e da idade da vítima.
■■Intoxicación aguda: de carácter grave e que se manifesta nun curto período
de tempo. Aparece pola exposición a unha alta dose de tóxico nunha soa
Confederación Intersindical Galega 183