Risco químico: Guía básica de produtos - Saúde Laboral

RISCO QUÍMICO capítulo 1. información de interese
En xeral, as FDS dos produtos aportan información relevante sobre a súa composición
e dos riscos asociados a eles, sendo unha ferramenta preventiva fundamental.
Para a realización deste traballo, debido ás súas características, consultáronse as
FDS de moitos produtos e neste proceso de busca de información, observáronse
algunhas irregularidades nelas. Algunhas das fichas:
■■non están actualizadas e fan referencia a lexislación antiga que xa non está
en vigor.
■■están total ou parcialmente en inglés ou aparecen erros de tradución.
■■non especifican claramente se o produto está catalogado como perigoso ou
non.
■■Aínda que en moitos casos se facilita información sobre os ensaios realizados
ás substancias, non se indican con claridade as conclusións dos mesmos.
■■presentan erros de nomenclatura de substancias que compoñen os produtos,
por exemplo, que o número CAS que se indica non coincide co nome da
substancia.
Para que esta ferramenta de información tan importante como é a FDS resulte de
utilidade, é fundamental que todos os individuos con responsabilidades preventivas,
que se reparten ao longo de toda a cadea de mando, ata os traballadores
mesmos, dispoñan dos medios necesarias para comprendelas e interpretalas de
forma axeitada. É indispensable que aos traballadores/as lles chegue información
comprensible dos perigos aos que están expostos, de como deben levar a cabo
a manipulación dos produtos, como actuar en caso de derrame, fuga ou calquera
outro tipo de imprevisto posto que, en definitiva, son os que están en contacto
directo co produto.
A continuación facilítase un formato de referencia coa información que debe conter
unha FDS e despois, información pormenorizada de cada un dos apartados así
como algunhas indicacións necesarias para unha axeitada comprensión destes
documentos.
16 Confederación Intersindical Galega