Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
1 | información de interese
A finalidade desta primeira sección da guía é proporcionar as ferramentas necesarias
para a axeitada comprensión do seu seguinte apartado, o bloque de
clasificación.
Para a realización do conxunto deste traballo foron consultadas diferentes fontes
de información, como son a propia lexislación na materia ou artigos e publicacións
de expertos. Pero, debido ao propio formato deste documento, destácanse tres
fontes fundamentais de consulta que poden resultar útiles para acadar información
de substancias, recollidas ou non nesta guía, e son:
■■A información sobre substancias que se pode consultar na páxina da ECHA
(European Chemical Agency) a través do enlace: http://echa.europa.eu/es/
■■As fichas internacionais de seguridade química que se poden consultar a
través da páxina do INSHT (Instituto Nacional de Seguridade e Hixiene no
Traballo). Resultan especialmente interesantes para obter unha información
máis detallada dos compoñentes perigosos dos distintos produtos. Pódense
consultar a través do enlace: http://www.insht.es/portal/site/Insht/.
■■As propias Fichas de Datos de Seguridade (FDS) dos produtos.
As Fichas de Datos de Seguridade supoñen unha ferramenta fundamental de
información ao longo da cadea de subministración dos produtos químicos e son
obrigatorias no caso de:
■■Substancias perigosas.
■■Substancias tóxicas, persistentes e bioacumulables.
■■Outras substancias altamente preocupantes.
Deben de proporcionarse de forma gratuíta , en papel ou por vía electrónica, e no
idioma oficial do estado membro no que se comercialice o produto.
O destinatario poderá pedir unha FDS ao provedor cando unha mestura non reúna
os criterios para clasificarse como perigosa , pero conteña substancias perigosas
en cantidade ≥1% en peso ou ≥0,2% en volume. No caso de substancias
altamente preocupantes, ≥ 0,1% en peso, ou substancias con límite comunitario
de exposición para o traballo.
Confederación Intersindical Galega 15