Risco químico: Guía básica de produtos - Saúde Laboral

RISCO QUÍMICO capítulo 3. Medidas Preventivas e de Actuación en caso de Emerxencia Química
3.2.4 Kits de emerxencia.
Existen no mercado kits de emerxencia que conteñen os elementos necesarios
para atender un derrame segundo o produto ou produtos químicos manipulados,
e segundo a súa cantidade.
Os kits poden ser: oleofílicos, universais, acuosos, especiais para certas substancias
como mercurio, cloro, etc. e adoitan constar de elementos para sinalizar
e conter o derrame, elementos para limpalo, e tamén os elementos necesarios
(EPIs) para a protección dos traballadores/as.
Elementos frecuentes nestes kits de emerxencia son: traxe impermeable, gafas,
guantes e respirador (segundo o risco avaliado e o nivel de competencia da persoa
encargada de empregalo); cinta para demarcar, para illar a zona do derrame;
material absorbente nas súas diferentes formas (tapetes, almofadas, granulados,
cordóns, adsorbentes para gases e vapores); diques de contención (pódense
construír cos absorbentes); accesorios antichispa como pas, vasoiras, recolledores;
Recipiente para recoller o residuo, listón de selado e marcador para identificar
o contido. Os Kits poden ser tan complexos coma as políticas de cada empresa o
dispoñan. Poden conter equipos de medición, traxes especializados, sistemas de
alarma lumínicos ou sonoros, etc.
166 Confederación Intersindical Galega