Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
3.2 Equipos para posibles emerxencias
A continuación faise unha breve descrición de equipos que deberían estar presentes
nos lugares onde se manipulan produtos químicos que permiten actuar
rapidamente no caso dunha posible emerxencia durante a realización do traballo
como pode ser o caso de salpicaduras nos ollos, na roupa ou na pel ou en caso
de pequenos incendios.
Sobra dicir que, tan importante como a presenza destes elementos nos lugares
de traballos, é o control do seu bo estado de mantemento e que en ningún caso
se poden eliminar outras medidas de protección habituais ou descoidar as boas
prácticas por dispoñer deles.
3.2.1 As duchas de seguridade e as fontes lavaollos:
Empréganse para os casos de proxeccións, derrames ou
salpicaduras de produtos químicos sobre as persoas, con
risco de contaminación ou queimadura química. Están alimentados
con auga potable a temperatura media.
O sistema de accionamento debe ser doado, rápido e o máis accesible posible,
preferiblemente un tirador triangular unido a una barra fixa nas duchas, e un acducha
de seguridade
A eficacia destes equipos depende do seu correcto funcionamento,
o seu bo estado de mantemento e unha formación
suficiente do persoal que os debe de empregar.
O feito de dispoñer destes sistemas de descontaminación non significa que se
poidan eliminar as medidas de protección habituais ou as boas prácticas citadas
anteriormente.
Características da instalación
Deben proporcionar un caudal de auga suficiente para empapar de inmediato e
completamente a unha persoa (duchas) ou os ollos (lavaollos). Recoméndase un
caudal mínimo de 114 L/min de auga corrente durante, polo menos, 15 minutos
(liña de auga de polo menos unha polgada).
Confederación Intersindical Galega 163