Risco químico: Guía básica de produtos - Saúde Laboral

RISCO QUÍMICO presentación
■■Dar a coñecer, de forma clara e didáctica, información en materia de prevención
do risco químico.
■■Facilitar información sobre as medidas de prevención e de actuación sobre
riscos relacionados cos produtos máis empregados no noso entorno.
■■Informar aos traballadores/as e delegados/as de prevención de cales son as
consecuencias da exposición ás substancias químicas perigosas de uso máis
frecuente.
■■Colaborar para minimizar os riscos potenciais asociados aos produtos químicos,
elemento esencial para o avance da nosa sociedade, co fin de contribuír
a un desenvolvemento sustentable e saudable.
Para o cumprimento destes obxectivos, este traballo estrutúrase do seguinte
xeito:
O bloque fundamental deste documento é a clasificación que se fai de substancias
de uso frecuente en diferentes sectores produtivos do noso entorno para, posteriormente,
proceder a unha descrición detallada das mesmas, dos seus riscos e
das medidas preventivas que se fan necesarias para unha axeitada protección dos
traballadores/as que entran en contacto con elas.
Previamente a este bloque de clasificación, e co fin de facilitar a súa comprensión,
axúntase unha sección denominada “Información de interese”. A meirande parte da
información sobre os produtos da que se dispón provén das Fichas de Datos de
Seguridade polo que neste apartado se facilita información dos contidos dos que
deben dispor tales fichas e se explican os conceptos básicos e as ferramentas
necesarias para a súa total comprensión.
Ao final do documento incorpórase un glosario conceptual e terminolóxico no que
se poden consultar as dúbidas que puideran aparecer nos apartados anteriores
e finalmente, inclúese un resumo da lexislación de maior interese,actualizada,
relacionada cos produtos químicos.
Co fin de colaborar cos principios básicos da acción preventiva, de facilitar o
cumprimento das obrigas en materia de prevención, de facilitar a comprensión da
documentación relacionada coa prevención do risco químico e tratando de cumprir
cos obxectivos anteriormente citados, comézase a dar forma a este traballo.
12 Confederación Intersindical Galega