Risco químico: Guía básica de produtos - Saúde Laboral

RISCO QUÍMICO presentación
importancia do risco químico non só para as persoas, tamén para o medio ambiente
que as rodea.
Estes datos poñen de manifesto a necesidade dun maior control do contacto entre
persoas e axentes químicos ou substancias prexudiciais nos postos de traballo,
así como a necesidade dun maior coñecemento, por parte dos traballadores/as,
dos efectos que poden causar as substancias coas que entran en contacto.
Dende a perspectiva da prevención, o coñecemento dos perigos dos produtos químicos
e dos potenciais efectos negativos que poidan producir, é fundamental para
poder avaliar os seus riscos e tomar medidas para os reducir. Pero tan importante
como a obtención dos coñecementos é a capacidade para transmitir esa información
de forma clara e facilmente comprensible para todos os destinatarios/as.
O RD 347/2001 2 que establece as disposicións mínimas para a protección dos
traballadores/as fronte aos riscos que poidan derivarse da presenza de axentes
químicos no lugar de traballo establece, no seu capítulo 9, a obriga do empresario
de garantir que os traballadores/as e os seus representantes reciban unha formación
e información axeitadas sobre os riscos que entrañan estes axentes, así
como as medidas de prevención que sexa preciso adoptar ao respecto.
A protección dos traballadores/as fronte ao risco químico pasa, por tanto, porque
estes teñan información dabondo e facilmente comprensible das substancias
implicadas nos diferentes procesos. Moitas veces, este acceso á información é
posible, pero o volume ou a complexidade de dita información poden dificultar a
comprensión da mesma, polo que non resulta de todo eficaz.
Segundo a “VII Enquisa Nacional de Condicións de Traballo” do 2011 3 , publicada
polo Instituto Nacional de Seguridade e Hixiene no Traballo (INSHT), un 16,2% de
traballadores/as inhala produtos químicos no traballo, sendo o total de expostos,
por manipulación e inhalación, dun 22,9%. A pesar de se apreciaren melloras no
etiquetado dos produtos con respecto aos datos do ano 2007, un 8% de traballadores
manifesta ter problemas para interpretar a información contida nas etiquetas,
2
RD 347/2001, de 6 de Abril sobre protección da saúde e seguridade dos traballadores/as contra os riscos relacionados
cos axentes químicos durante o traballo.BOE nº 104; 01-05-2001.
3
VII Enquisa Nacional de Condicións de Traballo 2011. INSHT. Almodóvar Molina, A.; Galiana Blanco, M.L.; Hervás Rivero,
P.; Pinilla García, F.J. e varios
10 Confederación Intersindical Galega