Risco químico: Guía básica de produtos - Saúde Laboral

RISCO QUÍMICO capítulo 2. clasificación dos produtos
que os disolventes poden empregarse sen risco, poden provocar problemas de
saúde ao contacto coa pel ou ao inhalar os seus vapores. Ademais dos riscos para
a saúde, os vapores de moitos disolventes son inflamables e explosivos.
Un dos riscos máis común para a saúde relacionado co contacto con disolventes é
a dermatite, que pode producirse despois de un ou varios contactos. Pode deixar
a pel susceptible a infeccións de curta duración ou se converter nun problema crónico.
A exposición ao disolvente pode provocar a sensibilización, é dicir, provocar
que a reacción alérxica se agrave con posteriores contactos.
Outro dos perigos cos disolventes é que poden afectar á persoa antes de que
esta se decate. Dependendo do tipo e concentración do disolvente, os efectos do
contacto van dende unha leve irritación respiratoria a graves lesións nos órganos
e funcións corporais. En casos extremos, a exposición excesiva aos vapores dun
disolvente pode causar insuficiencia respiratoria e incluso a morte.
Cando se traballa con disolventes é importante saber qué tipo de produto se está
a empregar e que medidas de protección se deben tomar para se protexer da
exposición.
En xeral, recoméndanse as seguintes medidas de seguridade:
■■Saber con que disolventes se está a traballar.
■■Ler as etiquetas e as follas de datos de seguridade e comprobar os riscos e
as medidas para un manexo seguro.
■■Asegurarse de que o lugar de traballo está ben ventilado.
■■Utilizar todos os medios de protección recomendados (guantes, gafas, botas,
roupa de protección…)
■■Comprobar que os equipos de protección respiratoria son axeitados para ese
disolvente.
■■Ter precaución nos transvasamentos, ter en conta os riscos de incendio, de
explosión e acumulación de electricidade estática.
■■Limpar rapidamente verteduras.
■■Non lavar as mans con disolventes.
■■Almacenar segundo as instrucións.
100 Confederación Intersindical Galega