Risco químico: Guía básica de produtos - Saúde Laboral

RISCO QUÍMICO GUÍA BASICA DE produtos
PRIMEIROS AUXILIOS
Inhalación: Sacar á vítima ao aire libre e mantela abrigada e en repouso.Respiración artificial no caso de insuficiencia
respiratoria.
Contacto coa pel:Retirar a roupa contaminada e lavar a zona con abundante auga e xabón suave.
Contacto cos ollos: Lavar con auga abundante , incluído debaixo das pálpebras durante 15 minutos.
Inxestión: Enxugar ben a boca con auga. Buscar axuda médica.
En calquera caso CONSULTAR UN MÉDICO
OUTRA INFORMACIÓN DE INTERESE RELATIVA AOS COMPOÑENTES
Substancia incluída no Cadro de Enfermidades Profesionais aprobado polo R.D.1299/2006 como enfermidades
profesionais relacionadas con ácidos orgánicos: - ácido oxálico- ácido abiético- ácido plicático, etc.
2.2 Produtos II: mesturas
A continuación, e seguindo un procedemento similar ao empregado para as substancias
puras, farase unha descrición dunha selección de produtos químicos (mesturas),
clasificados por familias.
No caso das formulacións químicas, o seu perigo vai depender dos compoñentes
perigosos presentes e da concentración dos mesmos na súa composición. Os
perigos do produto virán, por tanto, dados en función dos riscos inherentes ás
substancias que conteñen.
Nota aclaratoria:
Igual que no caso anterior, compre aclarar que, aínda que se facilitan os nomes
comerciais dos produtos, a información que se refire non procede na súa totalidade
do fabricante dos mesmos senón que se consultaron outras fontes en base
á composición dos produtos. Ao non coñecer completamente a súa composición e
os resultados de ensaios que se puideran ter realizado sobre eles, podemos estar
obviando algunha información. A clasificación que lle corresponde ao produto co
novo sistema CLP, por exemplo, está realizada en moitos casos por aproximación,
en base á clasificación mediante o sistema DPD e consultando información
facilitada pola ECHA.
2.2.1 Disolventes
Os disolventes son tan comúns en moitos lugares de traballo que os traballadores/
as poden esquecer o perigosos que poden resultar. Enténdese por disolvente
aquela substancia, xeralmente líquida, que se emprega para disolver a outra. Aínda
Confederación Intersindical Galega 99