Euskal Autonomia Erkidegoko flora baskular mehatxatua

laborantzarako edo hirigintzarako sailak irabazteko nahiak, hezeguneak eta eremu endorreikoak
lehortzea eta eraldatzea eragin dute. Ondorioz, barnealdeko hezeguneetan, dozena
bat landare baskular mehatxatu zenbatu dira, horietako batzuk egoera larrian daude,
eta beste batzuk oraindik ez dira katalogatu, nahiz eta oso bakanak izan, hala nola,
Nymphaea alba, Berula erecta, Rhynchospora fusca edo Thalictrum flavum.
— Orain arte kostaldeko, haranetako, arroetako, mendietako eta barnealdeko hezeguneetako
flora mehatxatuaren ezaugarri batzuk aztertu ditugu. Inguru horietan, mehatxu-maila
desberdinetan katalogaturik, 140 espezie baino gehiago daude. Barnealdeko hareatzetan,
ibai-terrazetan eta oso gune termikoetan bizi diren hamar bat landare gehitu behar zaizkio
aurreko taldeari. Guztira 152 espezie eta 5 populazio ditugu. Horiek dira, hain zuzen
ere, indarrean dagoen Espezie Mehatxatuen (Landare Baskularrak) Euskadiko Zerrendan
jasotzen direnak.
FLORA BABESTEA
Europan flora (eta fauna) babesteaz arduratzen den lehen nazioarteko ituna Bernako Hitzarmena
da. Hiri horretan sinatu zen 1979ko irailaren 19an. Espainiar Estatuak 1986ko maiatzaren
13an berretsi zuen. “Babes bereziko flora-espezieak” deritzon atal bat du. Bertan ez da EAEn bizi
den espezie bat ere sartzen.
Espainiar Estatuan 1989. urtean argitaratu zen “natur guneak eta flora eta fauna basatia kontserbatzeko
4/1989 Legea, martxoaren 27koa”. Lege horrek espezieak babestea sustatzen du martxoaren
30eko 439/1990 Errege Dekretuaren bidez. Bertan “Espezie Mehatxatuen Katalogo Nazionala”
arautu zen, eta katalogo horretan, lehenengo aldiz guri dagozkigun bi taxon sartu ziren,
Armeria euscadiensis eta Thymus loscosii.
Flora (eta fauna) babesteko legediak aurrera pauso handia eman zuen, “habitat naturalak eta
fauna eta flora basatia kontserbatzeko Kontseiluaren 92/43/EEE Arteztaraua” argitaratu zenean. Estatuko
legedian 1994ko ekainaren 9an sartu zen, eta ondoren 1997/1995 Errege Dekretuan. Azken
horren II., IV. eta V. eranskinetan Europako Kontseiluaren Habitat Arteztarauan azaltzen ziren
espezie berdinak ageri dira.
Lege horiek hainbat babes-maila ezartzen dituzte Europan interesa duten landareentzat. Horien
artean Euskal Autonomia Erkidegoko flora baskularraren 14 taxon daude:
– Sei taxon ageri dira II. eranskinean, “Kontserbatzeko kontserbazio-gune bereziak izendatzea
beharrezkoa duten komunitatearen intereserako animalia- eta landare- espezieak”.
Hurrengoak dira: Culcita macrocarpa, Narcissus asturiensis, Narcissus pseudonarcissus taldea,
Soldanella villosa, Trichomanes speciosum eta Woodwardia radicans.
– Bi taxon IV. eranskinean daude, “Babes zorrotza behar duten komunitatearen intereserako
animalia- eta landare-espezieak” Narcissus triandrus –triandrus subsp.– eta Spiranthes aestivalis
espezieak dira.
– Sei taxon V. eranskinean daude, “Naturan biltzeko eta ustiatzeko kudeaketa-neurriak izan
ditzaketen komunitatearen intereserako animalia eta landare-espezieak”. Hurrengoak dira:
Arnica montana, Diphasiastrum alpinum, Gentiana lutea, Huperzia selago, Lycopodium
clavatum eta Narcissus bulbocodium.
SARRERA • INTRODUCCIÓN 23