Bizkaiko Golkoko itsas biodibertsitatearen Gida - Aviso sobre ...

BIZKAIKO GOLKOKO ITSAS INGURUNEA
— Ur gainean edo urpean utzitako hondakin iraunkorrak (pilak, txatarra, obra-hondakinak,
ontziak, arrantza-aparailuak eta bestelako materialak). Hondakin horiek, zuzenean
edo ibai-lasterrek eta itsaslasterrek eramanda, itsas hondoan metatzen dira.
— Akuikultura intentsiboa; ekosistemaren oreka aldatzen duenez, itsas substratuaren
ezaugarriak berak ere aldatzen ditu (esate baterako, txanel edo bateak).
Halaber, txostenak adierazten duenez, Bizkaiko golkoaren egoera oro har ona bada ere,
gai kezkagarri hauek azaltzen dira:
— ICES/CIEMren ebaluazioen arabera, zenbait arrantza-baliabide arrantza jasangarria
bermatzen duten muga biologikoetatik kanpo daude. Hori gertatzen da gehiegizko
ustiapenak eta prozesu naturalek batera eragiten dutelako erreklutamenduan eta
ugaritasunean.
— Mikrobiologia kontuan harturik, krustazeo- eta molusku-hazkuntza egiteko erabil litezkeen
eremuen parte txiki bat baino ez da segurua; izan ere, eremu batzuetako itsas
ingurunean dauden biotoxina batzuek itsaskia behin eta berriro pozoitzen dute.
— Zoldaren kontrako pinturei lotutako TBTen isurtzeak eragin kaltegarriak izan ditzake
portu eta estuarioetan.
— Nabarmena da lastarako erabilitako uren bidez espezie aloktonoak sartzeko arriskua.
— Giza jarduerek biodibertsitatea galtzea eragin dezakete, ez baitakigu zein den hainbat
substantzia eta materialen benetako efektua itsas ingurunean. Esate baterako, egiaztatu
egin da plastikoak agertu direla kostan lehorreratutako dortoka eta zetazeo batzuen
urdailetan. Halaber, frogatzen ari da hidrokarburoek hegaztietan eragindako
kutsadurak, lumak hondatzeaz gain, badituela ondorio larriagoak: izan ere, hidrokarburoak
irensteak eragiten ditu heriotza gehienak.
© Ecologistas en Acción
Prestige petrolio-ontzia hondoratzen Galiziako kostaldean, 2002ko azaroaren 19an
Hundimiento del petrolero Prestige frente a la costa gallega el 19 de noviembre de 2002
39