MODULA INSTRUISTA TREJNADO en ESPERANTO (MITE ... - ILEI

MODULA INSTRUISTA TREJNADO en ESPERANTO (MITE)
Celo de ĉi tiu dokumento
La dokumento celas prezenti bazon por la evoluigo de komune akceptebla programo de
instruista trejnado por la lingvo Esperanto, kiu donu al la kursanoj maksuimuman flekseblon en
la plenumo de la postuloj, kiu enplektos solidan gamon de kursliverantoj, kaj kiu estos
proponebla flanke de UEA kaj ILEI al oficialiga instanco.
La nuna versio de la dokumento celas malfermi vastan debaton pri la postuloj, enhavo kaj celoj
de la programo, kaj inter la nunaj liverantoj, kaj inter la membraro de ILEI kaj eble ankaŭ de
UEA. Laborkunsidoj en julio (Herzberg-Sieber dum la konferenco) kaj en septembro (Poznano
dum la kursoj ĉe UAM kaj Arkones) celos progresigi la projekton. Viaj komentoj bonvenas.
Imagoj kaj demandoj
Ni imagas, ke moduloj estos ofertataj diversloke kaj diversmaniere, kun signifa grado de
libereco en la vicordo de akiro (diskutebla kiom).
Nedecidita estas la nombro de moduloj; ĉu la 35 temaroj proponataj en la superrigarda skemo
fariĝu apartaj moduloj, aŭ nur la ĉefaj temblokoj (6 en la nuna skemo), aŭ alia tem-kunigo (kun
ekzemple ĉ. 20 moduloj). Restas decidi ĉu modulo havas nur teman enhavon aŭ enplektas ankaŭ
postulojn; ekzemple, ke la pretigo kaj prezento de modela leciono formu apartan modulon.
Ne estos pedagogiaj antaŭkondiĉoj por partopreno; la kursaro estos malferma al homoj, kiuj ne
estas oficiale trejnitaj instruistoj. Ni bezonos centran registrejon de la kursontoj, kiu same
registras ilian progreson tra la procedo kaj kiu konfirmas fine la plenumon de la postuloj. Ni
imagas, ke tipa kandidato povus trapasi la programon ene de unu jaro, sed diligentaj studantoj aŭ
tiuj kun disponebla tempo povus ĝin kompletigi ene de ses monatoj. Ni ne antaŭvidas fiksi
tempolimon por la trapaso. Ni imagas, ke tipa plenumo bezonos almenaŭ du fizikajn ĉeestojn en
kurso – la dua enhavos la defendon de la tezo, realigon de modela leciono kaj la ekzamenado,
kvankam plenumo kun nur unu surloka vizito devos ankaŭ ebli kaze de bezono. Almenaŭ unu
fizika ĉeesto estu postulata (kiam tio neniel eblas, ekzistas RITE kiel memstara oferto.) Ni
imagas, ke UEA kaj ILEI apogos la projekton – ĝi estas ja enplanigita kadre de la Strategiaj
Vizio kaj Plano de UEA. Kaze da oficiala akceptigo, povos necesi modifoj en la administra
proceduro.
Postularo
1. Kursano devas posedi komence minimume la lingvan nivelon B2, kaj antaŭ ol fini la kurson
jam sukcesi ĉe C1.
2. Kursano devas akiri 35 modulojn aŭ temojn, po kvin aŭ ses en ses ĉefaj temblokoj – ĉu rete,
ĉu ĉeeste.
3. La tempo dediĉita al unuopa modulo/temo en ĉeesta kurso devas esti minimume 90 minutoj.
4. Kursano devas pretigi kaj defendi tezon (eseon) almenaŭ 20-paĝan pri antaŭkonsentita temo.
5. Kursano devas plani kaj realigi modelan lecionon (nur escepte sen fizika ĉeesto).
6. Kursano devas sukcesi en iuspeca testo fine de ĉiu modulo, kaj krome sukcesi en la kursfinaj
ekzamenoj, skribaj kaj parolaj.
Skema Propono por la Moduloj/Temaro
Estu kvar temblokoj kun po ses temoj, kaj du temblokoj kun po kvin temoj, plus unu resuma
temo: do 35 temoj (aŭ moduloj) entute. Tio devas kovri la terenon, sen esti tro timiga por
potencialaj kursanoj. La akirordo havus gradon da libereco. Principe ĉiu modulo estas akirebla
en ĉeestaj kursoj (sed tipe ne ĉiu modulo en unu sesio) kaj multaj el ili estos akireblaj rete, kun

Verkis la dokumenton SMG en Greziljono (26an de aprilo, 2013), kaj diskutinte ĝin kun la
surloka Zsófia Kóródy kaj enpreninta rezultajn modifojn kaj klarigojn. 27an de aprilo, 2013.
Lasta modifo: Junio 13 laŭ reagoj de Ilona Koutny.
Fontoj: Modula skemo SMG Apr 27 2013.doc
Propono: ĉiu dokumento rilate la projekton havu fajlonomon kiu komenciĝas per ‘MOD’