INGLÉS PARA RESTAURANTE-BAR - Ideaspropias Editorial

INGLÉS PARA
RESTAURANTE-BAR
Guía Práctica para Camareiros de Restaurante-Bar
CONTIDOS BASEADOS NO REAL DECRETO 302/1996
Certificado de profesionalidade da ocupación de camareiro/a de restaurante-bar
EDITORIAL

Inglés para restaurante-bar

Inglés para restaurante-bar
Guía práctica para camareiros de restaurante-bar

Autores
Alejandro Alonso Martínez (Vigo, 1977) é licenciado en Tradución e Interpretación
pola Universidade de Vigo e na actualidade traballa no departamento
de I+D desta universidade. Ademais, cursa estudos de doutoramento
en Tradución e Lingüística, centrando a súa investigación na semiótica e a
tradución da imaxe publicitaria. Así mesmo, realizou traballos de tradución e
localización, maioritariamente en inglés, castelán, galego e danés.
Sabela González Panizo (Burela, 1981) é licenciada en Tradución e Interpretación
pola Universidade de Vigo. Compaxina o seu traballo na Oficina de
Relacións Internacionais da universidade cun doutoramento en Tradución
e Lingüística, ademais do seu traballo como tradutora e revisora lingüística.
O seu traballo como investigadora, centrado na tradución literaria, inclúe un
relatorio no I Congreso Internacional de Tradución e Política Editorial da
Literatura Infantil e Xuvenil e a crítica da tradución da serie
Harry Potter ao galego.

Ficha de catalogación bibliográfica
Inglés para restaurante-bar. Guía práctica para
camareiros de restaurante-bar.
1.ª edición
Ideaspropias Editorial, Vigo, 2009
ISBN: 978-84-9839-135-0
Formato: 17x24 cm . Páxinas: 240
INGLÉS PARA RESTAURANTE-BAR. GUÍA PRÁCTICA PARA CAMAREIROS DE
RESTAURANTE-BAR.
Non está permitida a reprodución total ou parcial deste libro, nin o seu tratamento
informático, nin a transmisión de ningunha forma ou por calquera medio, xa sexa
electrónico, mecánico, por fotocopia, por rexistro ou outros métodos, sen o permiso previo
e por escrito dos titulares de Copyright.
DEREITOS RESERVADOS 2009, respecto á primera edición, por
© Ideaspropias Editorial.
ISBN: 978-84-9839-135-0
Depósito legal: VG 220-2009
Autores: Alejandro Alonso Martínez e Sabela González Panizo
Tradutor: Daniel Saavedra Toral
Impreso en España - Printed in Spain
Ideaspropias Editorial incorporou na elaboración deste material didáctico citas e referencias de
obras divulgadas e cumpriu todos os requisitos establecidos pola Lei de Propiedade Intelectual.
Polos posibles erros e omisións, escúsase previamente e está disposta a introducir as correccións
pertinentes en próximas edicións e reimpresións.
Este manual recibiu unha subvención da Consellería de Cultura e Deporte, a través da Dirección
Xeral de Creación e Difusión Cultural.

ÍNDICE
1 Sons, fonemas e palabras......................................................................... 1
1.1. Introdución........................................................................................ 1
1.2. As letras en inglés............................................................................. 1
1.3. Sons do inglés.................................................................................... 2
1.3.1. Vogais....................................................................................... 4
1.3.2. Grupos vocálicos...................................................................... 8
1.3.3. Consoantes e grupos consonánticos..................................... 15
1.4. Pronuncia correcta na lectura......................................................... 18
EXERCICIOS 1............................................................................................... 19
SOLUCIÓNS................................................................................................... 21
1.5. Resumo de contidos........................................................................... 24
AUTOAVALIACIÓN 1.................................................................................. 25
SOLUCIÓNS.................................................................................................. 29
2
Palabras e frases............................................................................................ 31
2.1. Introdución........................................................................................ 31
2.2. O artigo.............................................................................................. 31
2.3. Substantivos e pronomes..................................................................... 38
2.3.1. Substantivos contábeis........................................................... 38
2.3.2. Substantivos incontábeis....................................................... 41
2.3.3. Substantivos e posesión......................................................... 44
2.3.4. Pronomes.............................................................................. 45
2.4. Adxectivos.......................................................................................... 49
2.4.1. Adxectivos cualificativos......................................................... 51
2.4.2. Adxectivos demostrativos...................................................... 51
2.4.3. Adxectivos distributivos......................................................... 52
2.4.4. Adxectivos de cantidade........................................................ 54
2.4.5. Adxectivos interrogativos........................................................ 56
2.4.6. Adxectivos posesivos............................................................... 57
2.4.7. Adxectivos numerais............................................................... 58
2.5. Oracións comparativas e superlativas................................................ 61
2.5.1. Comparativas de igualdade..................................................... 61
2.5.2. Comparativas de inferioridade.............................. ................. 62
2.5.3. Comparativas de superioridade............................................. 62
2.5.4. Superlativas............................................................................ 63
2.6. Adverbios........................................................................................... 64
2.6.1. Adverbios de modo.............................................................. 65
2.6.2. Adverbios de lugar............................................................... 65

2.6.3.0 Adverbios de tempo............................................................ 65
2.6.4.0 Adverbios de frecuencia...................................................... 66
2.6.5.0 Adverbios de duración........................................................ 66
2.6.6.0 Adverbios de cantidade....................................................... 66
2.6.7.0 Adverbios interrogativos...................................................... 66
2.6.8.0 Adverbios de intensidade................................................... 67
2.6.9.0 Adverbios de probabilidade............................................... 67
2.6.10. Adverbios afirmativos.......................................................... 67
2.6.11. Adverbios negativos............................................................ 68
2.6.12. Adverbios comparativos e superlativos............................... 68
2.6.13. Formación do adverbio....................................................... 68
2.6.14. Posición do adverbio na oración........................................ 69
2.7. Preposicións, conxuncións e locucións.......................................... 71
2.7.1. Preposicións........................................................................... 71
2.7.2. Conxuncións......................................................................... 80
2.7.3. Locucións.............................................................................. 83
2.8. Interxeccións e onomatopeas............................................................ 87
2.8.1. Interxeccións......................................................................... 87
2.8.2. Onomatopeas........................................................................ 88
EXERCICIOS 2 ........................................................................................... 91
SOLUCIÓNS ............................................................................................... 99
2.9. Resumo de contidos....................................................................... 106
AUTOAVALIACIÓN 2 ................................................................................ 107
SOLUCIÓNS................................................................................................ 111
3
O verbo e a oración.................................................................................... 115
3.1. Introdución....................................................................................... 115
3.2. As formas non persoais do verbo..................................................... 115
3.2.1. Infinitivo................................................................................ 115
3.2.2. Xerundio................................................................................. 116
3.2.3. Participio................................................................................ 118
3.3. Verbos auxiliares............................................................................... 119
3.4. Verbos modais................................................................................. 122
3.4.1. Can/Could.......................................................................... 124
3.4.2. May/Might........................................................................... 125
3.4.3. Will/Would......................................................................... 125
3.4.4. Shall/Should....................................................................... 126
3.4.5. Must..................................................................................... 126

3.4.6. Ought (to).............................................................................. 126
3.5. Verbos regulares................................................................................ 127
3.6. Verbos irregulares.............................................................................. 133
3.7. Os verbos de vontade.................................................................... 137
3.8. A voz pasiva...................................................................................... 139
EXERCICIOS 3.............................................................................................. 143
SOLUCIÓNS.................................................................................................. 147
3.9. Resumo de contidos....................................................................... 151
AUTOAVALIACIÓN 3................................................................................... 153
SOLUCIÓNS.................................................................................................. 157
4 Expresións e léxico inglés restaurante-bar................................................. 161
4.1. Introdución....................................................................................... 161
4.2. At the restaurant............................................................................... 161
4.2.1. Things you find at a restaurant (Cousas que atopas
nun restaurante)..................................................................... 161
4.2.2. The menu and ordering/Taking the order (O menú
e pedir/Tomar o pedido)..................................................... 164
4.3. At the kitchen.................................................................................. 171
4.3.1. Ingredients (Ingredientes).................................................... 172
4.3.2. Cooking (Cociñar).............................................................. 175
4.3.3. A recipe (Unha receita)...................................................... 178
4.4. At the bar/At the pub/At the coffee house............................. 179
4.5. Diferenzas entre inglés británico e inglés americano.............. 183
EXERCICIOS 4 ........................................................................................... 187
SOLUCIÓNS .............................................................................................. 193
4.6. Resumo de contidos ........................................................................ 195
AUTOAVALIACIÓN 4 ................................................................................. 197
SOLUCIÓNS ............................................................................................... 201
RESUMO .. .................................................................................................... 207
EXAME ..........................................................................................................209
BIBLIOGRAFÍA .. .......................................................................................... 219

Este manual correspóndese co módulo “Inglés para Restaurante-Bar”, do
certificado de profesionalidade da ocupación de “Camareiro/a de Restaurante-Bar”,
segundo o Real decreto 302/1996.
Os contidos que nel se recollen correspóndense cunha duración de 90 horas.
O obxectivo deste manual é conseguir que o lector, ao finalizar este módulo,
logre adquirir os niveis de comprensión e expresión oral e escrita
necesarios para comunicarse con clientes e provedores, centrando o léxico
e o comportamento da linguaxe en torno á actividade de restaurante-bar.

Inglés para restaurante-bar 1
Inglés para restaurante-bar
1 Sons, fonemas e palabras
1.1. Introdución
Nesta unidade veremos as letras que compoñen o alfabeto da lingua inglesa, así
como a súa pronuncia, tanto cando van soas como en sílabas e palabras. Aproveitaremos
así para aprender un pouco de vocabulario relacionado cos alimentos
e a cociña a través duns exercicios.
1.2. As letras en inglés
a → ei O alfabeto inglés consta de 26 letras. Cando se recita o
abecedario, cada letra lese cunha pronuncia semellante
b → bi á que aparece na columna da dereita. Porén, as letras
c → si
en inglés non sempre teñen a mesma pronuncia, como
veremos a continuación.
d → di
e → ii Algunhas letras teñen máis dun son, varios no caso das
vogais. Aproximadamente, na lingua inglesa pódense
f → ef atopar 43 sons diferentes.
g → lli
h → eich
i → ai
j → llei
k → quei
l → el
Hai que ter en conta, ademais, que, segundo o acento
ou a procedencia do falante, algúns sons poden variar.

2 Inglés para restaurante-bar
m → em
n → en
o → ou A pesar de que ao chegar a certa idade é máis difícil
asimilar sons diferentes doutras linguas, conseguir unha
p → pi
pronuncia polo menos aceptábel en inglés non é imposíbel.
q → quiu
r → ar
Non se debe ter vergoña e débese tentar falar en inglés;
practicar sempre que se poida (escoitar cancións
s → es
t → ti e ver películas en inglés sempre axuda). Se aínda así a
u → iu pronuncia non é excelente, non hai que preocuparse
excesivamente xa que o importante, sempre, é que nos
v → vi
entendan.
w → daboliu
x → ecs
y → guai
z → sed (si) 1
1.3. Sons do inglés
Como xa dixemos, algunhas vogais e grupos de consoantes poden ter varias
pronuncias dependendo da palabra ou da súa posición na palabra.
Para os sons que non mudan, dispomos dos seguintes exemplos como:
breakfast → brecfast (almorzo)
coffee → cofi (café)
cabbage → cábich (repolo)
cup → cap (cunca)
1
O ‘z’ chámase ‘sed’ en inglés británico mais ‘si’ en inglés americano.

Inglés para restaurante-bar 3
Son excepcións cinnamon sínamon (canela) e cellar selar (bodega).
dinner → díner (cea)
food → fud (comida)
jam → llam (marmelada)
kitchen → quitchen (cociña)
lunch → lanch (comida do mediodía)
menu → meniu (menú)
napkin → napquin (pano de mesa)
plate → pleit (prato)
question → cuestion (pregunta, cuestión)
rice → rais (arroz)
Ollo! O son do “r” non é tan forte en inglés, a lingua non chega a vibrar contra
o padal.
salad → salad (ensalada)
tea → tii (té)
zero → sírou (cero)
Ollo! O “z” pronúnciase como un “s”, mais achegando a lingua aos dentes, de
forma que soe como un zunido.
Como ves, a pronuncia destas letras non é difícil. Hai outras que ofrecen máis
complicacións. Por suposto, hai excepcións, mais as seguintes explicacións das
letras daranche unha idea. Imos velas unha por unha 2 .
2
As palabras que acompañan o epígrafe de cada letra poden axudarte a lembrar os sons
asociados a cada unha. Non esquezas que omitimos exemplos de estranxeirismos, xa
que a súa pronuncia adoita variar con respecto á norma.

4 Inglés para restaurante-bar
1.3.1. Vogais
A: bar, apple, table, water.
A letra “a” pódese pronunciar polo menos de catro formas diferentes:
• A primeira é o “a” de bar:
É como un “a” galega moi aberta, case un “o”. Este son aparece sempre antes
do son “r” de final de sílaba, que en inglés británico non se pronuncia (tan
só se fai a vogal máis longa) mais en inglés americano déixase ouvir de forma
sutil. É tamén o “a” de father fader (pai) e de park parc (parque).
• A segunda é o “a” de fat (gordo/a):
Para pronunciala, ponse a boca como se se fose a dicir un “a”, aínda que
dicimos un “e”. É o “a” de apple ápol (mazá) ou de jam llam (marmelada).
• O “a” tamén se pode pronunciar coma un ditongo, igual que o son co que se
nomea (ei).
É o “a” de table téibol (mesa), plate pleit (prato) ou cake queic (torta). Este son
non se produce nunca antes dunha consoante dupla.

Inglés para restaurante-bar 5
• Por último, hai que ter en conta que en ocasións, o “a” ten un son semellante
ao dun “o” aberto e longo.
É o caso de water uoter (auga), paw poo (pezuño) ou salt solt (sal). Hai que ter
en conta que este son tamén se pode dar con outras vogais diferentes.
E: chef, detail, perfect.
• O “e” inglés pode ter un son moi similar ao do “e” galego, tanto aberto como
fechado, dependendo da palabra.
É o “e” de chef xef (chef), de check/cheque chec (comprobar, cheque 3 /cheque),
menu meniu (menú), waitress ueitres (camareira), kettle quetl (teteira).
• Nalgunhas ocasións, o “e” pode aproximarse ao son do “i” galego (aínda que
un pouco máis longo).
Detail diteil (detalle), between bituin (entre, prep.), reply riplai (responder),
female fimeil (femia, feminino), English ínglix (inglés), zebra sibra (cebra).
• Como ocorría co “a” de bar, o “e” acompañado dun “r” tamén adquire ese son
longo e profundo que tanto custa pronunciar aos galegos.
3
En inglés americano.

6 Inglés para restaurante-bar
É o son presente en perfect perfect (perfecto), certain sertn (certo, adx.), fermentation
fermenteixon (fermentación). Ao final da palabra, o “r” perde a súa
sonoridade, co que o “e” parécese máis ao galego. Non aparece só ante “r”.
I: live, hide, girl.
O “i” inglés pode ter tamén tres pronuncias diferentes.
• A primeira é a máis obvia, semellante a un “i” galego, aínda que cun son máis
breve, entre “i” e “e”. Para pronuncialo, colócase a boca como se se fose dicir
un “e”, mais no seu lugar dise “i”. É o “i” que aparece en to live tu liv (vivir),
figs figs (figos), garlic garlic (allo).
• O “i” tamén se pode pronunciar coma un ditongo, co son que lle dá nome, ai.
Este son atopámolo en palabras como to hide tu haid 4 (agocharse), night nait
(noite), rice rais (arroz), lime laim (lima), pineapple painapol (piña), slice slais
(rebanda).
• Do mesmo xeito que ocorría coas vogais anteriores (e ocorrerá coas seguintes),
o “i” tamén adquire un son gutural cando a acompaña un “r”. É o odioso
son de girl guel (nena, moza), que tanto custa pronunciar aos galegos. A súa
pronuncia é a mesma que a do “e” co “r” e tamén aparece con outras vogais
(como o “o” de world uerld [mundo] ou o “u” de fur fer [peles de animais]). Pronúncianse
así: bird berd (paxaro), sir ser (señor), skirt squert (saia). Non aparece
só ante “r”.
4
Ten en conta que o ‘h’ en inglés non é mudo. A súa pronuncia é semellante ao da
gheada galega, aínda que moito máis suave.

Inglés para restaurante-bar 7
O: pot, know, now, corn.
• Un dos son do “o” é moi semellante ao do “o” aberto galego, aínda que se
achega a un “a”. É o “o” de pot pot (pota), to chop tu chop (picar), orange óranch
(laranxa) ou de broccoli brócoli (brócoli).
• A letra “o” pode ditongar e pasar a pronunciarse como o seu nome, ou, ou
tamén au. Encontramos ou en to owe tu ou (deber), mango mángou (mango),
note nout (nota), to know tu nou (saber), cold could (frío). A pronuncia au aparece
en now nau (agora), down daun (abaixo), powder pauder (po).
• O “o” tamén pode ser máis aberto e longo como en corn corn (millo), corkscrew
corcscru (tirarrollas), order order (pedido). Como nos casos anteriores, este
son non aparece só ante “r”.
• Como é habitual, existen excepcións. Co “o” hai que destacar o caso de one
uan (un), o que vimos no epígrafe do “i”, no que world uerld pronúnciase coma
se tivese un “e”, e o caso de love lav (amor), cun son máis similar ao dun ”o”
mesturado cun “a”.
U: up, full, volume, curry.
• A pronuncia máis frecuente do “u” parécese a un “o” mesturado cun “a” (como
o “o” de love lav [amor]). Aparece en customer castumer (cliente), umbrella
ambrela (paraugas), puddle pádel (charco), up ap (arriba), uncle áncl (tío).

8 Inglés para restaurante-bar
• Tamén se adoita pronunciar como un “u” máis parecido á galega ou un “u”
curto. Pronúncianse así: pudding púdin (pudin), full ful (cheo/a) ou to put tu
put (pór).
• O “u” tamén pode ter un son de “u” longo, coma se fose unha vogal e media.
Atopámola en flu fluu (gripe), duty duuti 5 (deber, obriga), duplicate duupliqueit
(duplicar).
• Pode pronunciarse tamén coma un ditongo, co mesmo son que lle dá nome:
fugitive fiullitif (fuxitivo), cute quiut (riquiño, bonito), volume volium (volume).
• Co “u” encontramos o mesmo son xunto ao “r” que co “i” e o “e”. Aparece en
fur fer (peles de animais), curse quers (maldición) ou en curry querri (curry).
• Convén comentar o caso de business bisnes (negocio), xa que o “u” pronúnciase
coma un “i”.
Y: fly, frankly, beyond.
O “y” pode considerarse unha letra entre vogal e consoante. Cando funciona
como vogal, o seu son é o dun “i”, tanto na súa pronuncia breve, como o “i”
galego, como na súa pronuncia ditongada con ai. Podemos velo en: to fly tu flai
(voar), by bai (por), shy xai (tímido/a), dairy deeri (lácteos), diary daiari (diario),
frankly francli (francamente).
Cando funciona coma consoante ten un son entre “i” e “ll”: you iu (ti), young
iaung (mozo, novo), beyond biiond (alén, máis alá).
1.3.2. Grupos vocálicos
AE: aeroplane, encyclopaedia.
• Adoita ter unha pronuncia semellante á dun “e” longo, aínda que en ocasións
pode pronunciarse coma un “i”: aeroplane éroplein (avión), encyclopaedia ensaiclopiidia
(enciclopedia).
5
Tamén se pode pronunciar diuti.

Inglés para restaurante-bar 9
AI: waitress.
Normalmente, pronúnciase “ei”: waitress ueitres (camareira), to sail tu seil (navegar),
stain stein (mancha).
AO: chaos.
A súa pronuncia máis frecuente é eio, como en chaos queios (caos), aínda que
hai excepcións.
AU: autumn.
Adoitase pronunciar coma un “o”: autumn ótum (outono), caught cot (collido,
atrapado).
EA: pear, peach.
• Pódese pronunciar coma un “e”, como en: pear per (pera), to spread tu spred
(untar, esparexer) ou to measure tu méxur (medir).

10 Inglés para restaurante-bar
• Tamén se pode pronunciar coma un “i” longo cun resto de “a”, moi pouco
pronunciada, ao final: veal viil (tenreira), theatre ziiater (teatro), peach piich
(pexego).
EE: cheese.
Pronúnciase coma un “i” longo: cheese chiis (queixo), to peel tu piil (pelar), freezer
friiser (neveira).
EI: eight, seize.
• Pode pronunciarse como o fariamos en galego, como en eight eit (oito) ou veil
veil (veo).
• Tamén se pode pronunciar coma un “i” longo, como en to seize tu siis (agarrar,
aproveitar), either iider (tamén), neither niider (tampouco). Estas dúas últimas
palabras tamén se pronuncian aider e naider.
• A pronuncia ai dáse sobre todo en palabras e nomes propios estranxeiros.
EO: theory, people.
A súa pronuncia adoita ser io, como en theory ziori (teoría) ou en chameleon
camilion (camaleón), aínda que hai excepcións, como por exemplo people piipol
(xente) ou leopard leperd (leopardo).
EU: neutral.
Pronúnciase coma un “u” longo, cun “i” moi lixeiro ao comezo: neutral nuutral
(neutral), deuce duus (corenta iguais, en tenis).

Inglés para restaurante-bar 11
IA: diary, piano.
• Normalmente, “ia” pronúnciase aia, como en diary daiari (diario) ou diaper
daiaper (cueiro).
• Tamén se pode pronunciar coma en galego: piano piano (piano), fiancé fiánsei
(prometido).
IE: lie, relieve.
• Pode pronunciarse ai, como en lie lai (mentira) ou tie tai (gravata).
• Pode ser tamén un “i”, máis ou menos longo, como en to believe tu biliv (crer)
ou sieve siv (peneira) ou en cranberries cranberris (arandos). Este último caso
é o das palabras que na súa forma singular acaban en “y” e no plural levan
“ies”.
IO: lion, onion.
• Este ditongo pode ter a pronuncia aio, como en lion laion (león) ou riot raiot
(disturbio).
• Máis semellante ao galego, como en onion onion (cebola).
• E nas terminacións en “-ion”, como action acxon (acción) ou consumption
consampxon (consumo), nas que o “i” se perde lixeiramente ao pronunciar.
IU: diurnal.
Adóitase pronunciar aiu/aie, como en diurnal daiurnal (diúrno) ou diuretic
daiuretic (diurético).

12 Inglés para restaurante-bar
OA: toaster.
Pronúnciase ou, como en toaster touster (torradora), coat cout (abrigo), aínda
que en ocasións o “u” pérdese e o “o” faise máis longo, como antes de “r”:
board bord (táboa).
OE: toe, poetry
Pronúnciase tamén ou, aínda que en ocasións aparece un lixeiro “e” ao final do
ditongo: foe fou (inimigo), toe tou (deda), poetry pouetri (poesía).
OI: boil, choir.
Pódese pronunciar tanto oi, como en to boil tu boil (ferver), ou ua, como en
choir cuaer (coro).
OO: door, book.
• Algunhas veces pronúnciase o, como en door dor (porta) e en floor flor (chan).
• Pola contra, outras veces pronúnciase u, como sucede en exemplos como book
buk (libro) e to cook tu cuc (cociñar).
OU: you, colour.
• Pode pronunciarse como un “u” galego, como en through zru (a través de) ou
en you iu (ti).

Inglés para restaurante-bar 13
• Pódese tamén pronunciar coma un “o”: scouring pad scoring pad (estropallo),
colour 6 cólor (cor).
UA: aquarium, guard.
• A súa pronuncia máis habitual é como a galega, ua: squash scuash (squash),
aquarium acuariam (acuario).
• Aínda que en ocasións perde o “u” inicial do ditongo: guard gard (garda), guarantee
garanti (garantía).
UE: clue.
Adoita pronunciarse coma un “u” un pouco longo: clue cluu (pista), cue cuu
(taco de billar, entrada musical ou teatral).
UI: fruit, quick.
• Tamén se pronuncia coma un “u” algo longo: suitcase suutqueis (maleta), fruit
fruut (froita).
• Hai que ter en conta que cando aparece este ditongo despois de “g” ou de “q”,
pronúncianse ambas letras: penguin pengüin (pingüín), quick cuic (rápido).
UO: buoy.
É un ditongo pouco frecuente. Aparece, por exemplo, en buoy (boia) e pronúnciase
boi.
AY: day.
Pronúnciase ei: day dei (día), ashtray axtrei (cinseiro).
6
En inglés americano escríbese color.

14 Inglés para restaurante-bar
EY: honey.
Pronúnciase coma un “i” e adoita aparecer ao final da palabra: honey honi (mel),
parsley parsli (perexil).
OY: boy.
Adoita pronunciarse oi: boy boi (neno, rapaz), convoy convoi (convoi).
UY: guy.
Pronúnciase ai, como en guy gai (tío, rapaz) ou en to buy tu bai (comprar).
YA: cyan.
Cando o “y” funciona como vogal ante “a”, a súa pronuncia é aia, como en cyan
saian (cian).
YE: dye.
Cando o “y” funciona como vogal ante “e”, tamén se pronuncia ai/aie: to dye
tu dai (tinxir).
YI: lying.
Aparece sobre todo en xerundios: crying craiin (chorando), lying laiin (mentindo).

Inglés para restaurante-bar 15
Ollo! Aínda que se trata dun estranxeirismo, e non aparece nos exemplos, cabe
destacar a pronuncia especial de beautiful/beauty biutiful/biuti (belo, beleza).
Nos exemplos que vimos anteriormente, escribimos a pronuncia de todas as
vogais na súa forma forte. No entanto, o seu son é moito máis débil e parécese a
un “e” mesturado cun “o” (como o son que emitimos ás veces ao dubidar).
A entoación da frase e a pronuncia de palabras completas axudan a saber que
vogais perden importancia e se suavizan.
1.3.3. Consoantes e grupos consonánticos
G: give, gin.
O “g” pode ter dous sons diferentes:
• Pode pronunciarse como o “g” galego ante as vogais fortes (a, o, u): game gueim
(xogo, caza), gear guíar (marcha), to give tu guiv (dar), to go tu gou (ir), gum gam
(goma de mascar). Esta mesma pronuncia dáse, por suposto, ante consoante:
great greit (xenial).
• Pode pronunciarse cun son semellante ao “ll” galego ante “e” e “i”: gem llem
(xema), gin llin (xenebra).

16 Inglés para restaurante-bar
H: heart, honest.
O “h” é aspirado a maioría das veces. Isto significa que ten un son suave, semellante
ao dun “g” con gheada, aínda que un pouco máis suave: heart hort
(corazón), hello helou (ola). Non obstante, hai algunha excepción na que o “h” é
mudo, como na nosa lingua; é, por exemplo, o caso de honest ónest (honesto/a)
ou de honour 7 ónor (honor, honra).
CH: change, chef.
• Este grupo consonántico pronúnciase como en galego, agás nalgunhas ocasións
nas que se pronuncia coma a nosa “x”: attach atach (pegar, xuntar), to
change tu cheinll (cambiar), artichoke artixouc (alcachofa), chef xef (chef).
• Por suposto, existen excepcións, como to ache tu eic (doer) ou loch logh (lago 8 ),
mais hai que ter en conta que non son as máis habituais.
SH: ash.
Pronúnciase “x”, como xa dixemos. Este son aparece en, por exemplo: shame
xeim (vergoña), ash ax (cinsa), fashion faxon (moda).
TH: think, them.
A pronuncia deste grupo é semellante á do “z” galego:
• Pode ser forte como o “z” galego, como acontece en to think tu zinc (pensar)
ou en through zru (a través de).
• Pode ter un son máis suave, como un “z” suave pronunciado coa lingua apoiada
contra os dentes superiores. Téndese moitas veces a pronunciar coma un
“d”, xa que se parece un pouco. Para diferenciar este son do anterior representarémolo
como dz: the dze (o, a, os, as), them dzem (eles, elas).
7
En inglés americano escríbese honor.
8
Pouco utilizado. Pódese atopar, por exemplo, en loch Ness logh nes (lago Ness).

Inglés para restaurante-bar 17
KN: know.
• Esta representación pode parecer que agocha un son complicado, porén, en
realidade tan só é un “n”: to know tu nou (saber), knight nait (cabaleiro).
• En ocasións, a metade de palabra, poden ser consoantes separadas, polo que
si que se pronunciarían. É o caso de acknowledgement acnouledllment (agradecemento).
NG: cooking.
A final de palabra aparece sempre nos xerundios, xa que se forman con “-ing”:
dancing dansin (bailando), cooking cuquin (cociñando).
V: very.
En inglés, existe diferencia entre o “b” e o “v”. O “v” ten un son que se achega
ao do “f”: para pronuncialo tamén se achegan os dentes superiores ao beizo
inferior, aínda que non tan adiante como para pronunciar o “f”.
Pronúnciase sempre así, e é un xeito de diferencialo do “b”: to vote tu vout (votar),
boat bout (barco), very veri (moi), to avoid tu avoid (evitar).
W: way.
O “w” adoita pronunciarse de maneira máis parecida a un “u” que a un “g”,
que é como os galegos acostuman a pronunciala: always oluais (sempre), way uei
(camiño, maneira), west uest (oeste).

18 Inglés para restaurante-bar
Aínda que se poden escribir dun par de maneiras diferentes, as terminacións
que corresponden á galega “-ción” lense xon: action acxon (acción), vision vixon
(visión), option opxon (opción).
1.4. Pronuncia correcta na lectura
Para conseguir unha boa pronuncia en inglés non hai ningún método máxico.
Terás que esforzarte: escoitando cancións, vendo filmes en inglés, procurando
as pronuncias no dicionario e, en xeral, tendo os ouvidos alerta para ir asimilando
as diferentes pronuncias.
Débese ter en conta, tamén, que, igual que en galego, as oracións poden ter
diferentes entoacións (e xa non digamos diferentes acentos segundo a orixe do
falante). No entanto, en lingua inglesa, a énfase, como nas preguntas, non é
exactamente igual ao galego, pois non existe tanta diferenza coa oración afirmativa.
Aínda que isto non é vital para poder pronunciar ben en inglés, é importante
saber que certas palabras, débiles como as preposicións ou os artigos, perden
a forza das súas vogais. Como consecuencia disto, ás veces, téndese a aglutinar
palabras.
Exemplo:
I am → I´m (eu son).
It is → It´s (é).
It is not→It isn´t (non é).
You are → You´re (ti es/vós sodes).
Dado que a diferenza de pronuncia entre palabras tónicas ou fortes e palabras
átonas ou débiles non é especialmente evidente, non hai que preocuparse, simplemente
bastará con deixarse guiar polo ouvido e a intuición.

INGLÉS PARA RESTAURANTE-BAR
Desenvolverse en inglés xa non ten por que ser un obstáculo insalvábel, traspasar
as barreiras lingüísticas e comunicativas está ao alcance de calquera persoa e
á orde do día.
Ideaspropias Editorial ofrécelle a posibilidade de pór fin a estas barreiras comunicativas
presentándolle este manual, co que o lector poderá coñecer, aprender
e practicar as expresións típicas e fundamentais da lingua inglesa, así como adquirir
as nocións básicas de gramática e vocabulario; todo iso para pólo en práctica en
diferentes situacións como nun restaurante-bar e realizalo con éxito.
“Inglés para Restaurante-Bar” é un dos módulos pertencentes ao certificado de
profesionalidade da ocupación de “Camareiro/a de Restaurante-Bar”, pertencente
á familia profesional de “Turismo e Hostalaría” segundo o Real decreto 302/1996.
O obxectivo primordial que persegue este material didáctico é adquirir os niveis
de comprensión e expresión oral e escrita necesarios para comunicarse con
clientes e provedores, centrando o léxico e o comportamento da linguaxe ao
redor da actividade de restaurante-bar.
ISBN 978-84-9839-135-0
EDITORIAL
www.ideaspropiaseditorial.com