Document 631
Document 631
Document 631
Create successful ePaper yourself
Turn your PDF publications into a flip-book with our unique Google optimized e-Paper software.
Fernan Sanches<br />
de Cuenca<br />
<strong>631</strong><br />
Ynçitatiua<br />
[RGS II-1495-450]<br />
Don Fernando e doña Ysabel etç. A vos los alcaldes de la villa de Valdarasete e a<br />
cada vno de vos a quien esta nuestra carta fuere mostrada, salud e graçia.<br />
Sepades que Fernand Sanches de Cuenca, vesino de Caravaña nos fiso relaçion por<br />
su petiçion etçetera, diziendo que el fue judio e que al tienpo que nos mandamos salir<br />
los judios destos nuestros reynos el se fue e salio en vno con otros judios. E que antes<br />
que se fuese el dio a Fernando Çediel, vesino de Perales, vnas tenerias que el dis que<br />
tenia en esa dicha villa e le fiso donaçion dellas de su espontançia voluntad, e el qual<br />
dis que las tomo e poseyo por virtud de la donaçion que dis que dellas le hiso. E dis<br />
que el vino en conosçimiento de nuestra santa fee catolica e se boluio christiano e se<br />
torno a estos nuestros reynos. E venido dis que el dicho Fernnando Çediel mouido a<br />
piedad le boluio las dichas tenerias. E dis que teniendolas e poseyendolas segund e<br />
como de antes las solia tener, e dis que teniendo los titulos dellas, dis que el conçejo<br />
de la dicha villa de Valdarasete non teniendo titulo ni razon nin derecho alguno a ello<br />
dis que le toman las dichas tenerias. E como quier que les ha pedido e<br />
requerido que le dexen las dichas tenerias no lo han querido ni quieren hazer. En lo<br />
qual dis que ha reçebido e reçibe mucho agrauio e dapno. E nos suplico çerca dello /<br />
con remedio de justiçia le mandasemos proueer. E nos tovimoslo por bien. E<br />
mandamos dar esta nuestra carta para vosotros e para cada vno de vos sobre la dicha<br />
rason.<br />
Por que vos mandamos que sobre lo que dicho es llamadas e oydas las partes a<br />
quien atapne , lo mas breuemente que ser pueda non dando logar a dilaçiones de<br />
maliçia, solamente la verdad sabida fagades e administredes todo conplimiento de<br />
justiçia por manera que el dicho Fernand Sanches Cuenca non aya cabsa de se nos<br />
mas venir ni enbiar a quexar. E no fagades ende al por alguna manera etçetera.<br />
Dada en la villa de Madrid a [ ] dias del mes de hebrero años del nasçimiento de<br />
nuestro Señor Ihesu Christo de mil e quatroçientos e noventa e çinco años. Don<br />
Aluaro. Iohanes, dotor. Antonius, doctor . Andreas, doctor. Françiscus,<br />
liçençiatus. Iohanes, liçençiatus. Yo Iohan de Bolaño, escriuano de camara del rey e
de la reyna nuestros señores la fis escreuir por su mandado con acuerdo de los del su<br />
Consejo./