ITSASGORA Urdaibaiko Itsaski-batzea. - Urremendi. Landa ...

PERTSONAIA
38 URREMENDi
Rafael Iriondo
RAFAEL IRIONDO, LEHOI
KEMENTSU BATEN KONDAIRA BIZIA
Rafael Iriondo gernikarrak gaur
egun, Sukarrietan igarotzen dau
uda, bere familiagaz batera.
Rafael Iriondo, formó junto con Venancio, Zarra,
Panizo y Gainza, la delantera más famosa del Athletic
Club de Bilbao, "los 5 magníficos". Ganó una Liga y 4
Copas como jugador.
Rafael Iriondo futbolean jokatzeko
jaio zan. Holan erakusten dau
behintzat, bere kirol-kurrikulu luze eta
bikainak eta historiaren ezbeharrez
jositako bizitza latzak. Gernikaren, bere
herriaren, bonbardeaketea bizi izanak,
gerran frentean, lehenengo lerroan
borrokatzeak eta soldadutza Afrikan,
etxetik milaka kilometrotara egiteak,
ez eutsen kendu futbolean jokatzeko
grina eta pasinoa. Bilboko Athletic Clubearen
sasoirik haundienean jokatu
eban. Berau izan zan, Venancio, Zarra,
Panizo eta Gainzagaz batera, talde zurigorriko
" bost magnifikoetako" bat.
Berak diño Gernikan umearoan, futbolean
baino gehiago pelotaka ibiltzen zala,
halan da guztiz be, Rafael Iriondo futbolerako
jaio zan. "Eskolan, Agustinoetan,
futbolean baino gehiago pelotaka ibiltzen
ginan. Baina 15 urtegaz Gernika taldeak
hartu ninduan. Partido bat baino ez
neban jokatu, Gernikak gerra aurretik
jokatu eban azkena, 1934n. Zornotzan
izan zan eta bardintzea lortu genduan,
horregaz ederto baten gomutaten naz".
Rafael Iriondok ez dauko ahaztuta Gernikako
1937ko apirilaren 26koa. Pasazaina
zan eta denborea emoten egoan
arratsaldeko pelota partidora joan
aurretik bonbardeaketeak harrapatu
ebanean. "partidoa lauretan hasten zan
ta gomutaten dot, Bermio aldetik lehenengo
abioiak agertu ziranean, pentsetan
nebala:, jo! ez ete dabe aldeko
abioiok!..." diñosku.