ITSASGORA Urdaibaiko Itsaski-batzea. - Urremendi. Landa ...

EDITORIALA
Gu geuk
PARAMETRO EKONOMIKOEK
GIZARTEAREN ABERASTASUNAREN
ALDE BAT BAINO EZ DABE EURTZEN.
Zer dakar gizarte modernoan bizitzeak? Globalizazinoa,
informazinoa, teknologia, ezagutza, zientzia,
aukerak, erosotasuna.... Garapena edo aurrerapena
berbak aho biko ezpata izan leikez. Sarri, garapen
horren erritmo kontrolaezin eta amorratua baztertzailea
da, ze inok ez badau eragozten balore kulturalak,
naturalak, ondarea eta izaerea be jan egiten
dauz. Eskerrak, gizartea, hori baino errealitate askoz
be nahastuagoa dan, ondino badagoz zapalduta
sentitzen direnak eta makinea geldituten dabenak,
pentsatu eta ekiteko.
Horreen sentiberatasuna, ezberdin egiten gaituen
baloreak onartzeko eta baloreok berreskuratu, babestu
eta zabaltzeko dauken ahalmena, aberasbidea
da gizarte modernoentzat. Gainera, aginterako eta
parte hartzeko gai direnengandik badatoz, gizartearen
sustraiak sendotu bakarrik ez, garapenaren eta
ongizataren arteko alde kualitatiboa markatzen da.
Kontzeptu biok alakarren osagarri dira eta Busturialdean
be holan izan ahal dira gura ezkero.
URREMENDi 3