eskuizkribuen azterketa eta iturriaren moldamoduak - Euskara

Hamabost egunez luzatzen den eztai festaren ondoren,
Frantziara bueltatzeko ordua iritsi zaio Jeani. Espainiako erregeri agur
esatera doanean ez da ausartzen alaba berarekin joateko baimena eskatzen,
desplazera eragiteko beldurrez. Infanta, dagoeneko Frantziako erregintzat
hartua, nigarrez hasten da, Espainian senarrarengandik urruti gelditzekotan
delako. Aitak ordea, alaba eraman dezan eskatzearekin batera, bere erresuma
ere eskaintzen dio. Jean poztu egiten da emaztearekin abiatzeagatik; baina
garbi uzten du ezkondu nahi izanaren arrazoia: "car soyez seur et certain
que vostre royaulme ne voz biens ne m'ont point esmeu a avoir vostre fille
que icy est, mais sa bonne renomme".
Parisen harrera ikusgarria izan zuten ezkonberriek eta
Espainatik etorritako besteek. Handik sei hilabetetara, Espainara itzuli
ziren senar-emazteak eta seme eder bat izan zuten. Bost urte ondoren beste
bat, gerora, hurrenez hurren, Frantzia eta Espainiako errege izan zirenak.
"Puis trespasserent de ce siecle pour aller en la gloire eternelle, ou je
prie a Dieu qu'il nous doint grace que y puissions parvenir. Amen".
94