eskuizkribuen azterketa eta iturriaren moldamoduak - Euskara

kapituluak).
III. Bidaiaren gora beherak. Anglaterre Burgosen. (18-30
Anglesen herota (Anglastre pastoralean) frantsesen aldera
hurbilduta harritu eta lotsatu ere egingo da, hain konpainia eder eta
boteretsua ikusirik. Beldurrez dardarka atzegoardiako bati zuzentzen zaio
nortzuk diren eta nor duten nagusi galdezka. Jean de Parisen jendea direla
eta beren buruzagia aurrekaldean duela erantzuten zaio. Ezagupide bakartzat
kana zuri bat du eskuan, jazkeran eta, beste zaldunen modukoa izanik.
Herota Jeanengana doa eta Anglaterrako erregek hura ezagutzeko eta bidaian
laguntzeko duen desioa azaltzen dio. Jeanek nahi badu ingura dakiola
erantzuten dio, tarte batean azkarrago zaldikatu behar badu ere. Herota,
Jeanen handitasunak harrituta, Anglaterregana itzultzen da. Honek
pertsonaia erakargarri horrengana zuzenean joatea erabakitzen du.
Lehenago herotak egin duen bezala, beste soldadu arrunt baten
argibideez iristen da Jeanengana. Bion arteko lehen elkarrizketa honetan bi
gai nabarmenduko dira: Jeanen bidaiaren arrazoia (Parisen aspertuta,
denbora pasa doala bazterrak ezagutzera, printzipioz Bordeleraino), eta
bere handitasunaren nondik norakoa (hildako burges handi baten seme
oinordekoa dela alegia). Afarirako gonbitea elkarri egin eta gizalegez
errefusatu eta gero, anglesa bere egongura abiatuko da.
Jeanek ordea, gertu ditu sukaldean era guztietako jaki
aberatsak eta harritzeko moduko afaria igorriko dio Anglaterrekoari baxera
ederrean paratua. Anglaterreko erregeren harrimen ezin handiagoa. Jeanen
eskuzabaltasuna nolabait eskertzearren, bere egonguan lo egiteko gonbitea
luzatzen dio, sei baroi bidaliz mezulari. Hauek frantsesen aldera joanda ez
dute zuzenean Jeanekin hitzik egingo. Ateko goardiek kapitainarengana
gidatzen dituzte eta horrek Jean bere printzipalek inguraturik afaltzen
dagoen gela dotore apaindura. Kapitaina "se gecta a genoulz" bere jaunaren
aurrean. Anglesak ere belaunikatu; baina, bertako dotorezia eta
solemnitateak kokilduta edo, ez diote beren erregeren mezurik emango.
Frantsesen gonbiteari jarraiki bertan afaldu eta gero, Anglaterreren
egoitzara bueltatzen dira, beti ere Jeanen handitasun eta aberastasunak
zeharo harrituta.
Biharamonean, Jean mezetara abiatzen da. Bertan zenbait
angles zegoelarik, espreski ezarri dioten jarleku dotore-ederrean ikusten
dute. Anglaterreri horren berri emanda, hau ere agertuko da eta Jeanekin
jarriko, horretarako gonbitea onartuz. Handik aurrera elkarrekin joango
87