eskuizkribuen azterketa eta iturriaren moldamoduak - Euskara

E396: Jean de Paris m
Ah ene jaoun maitiac
Eritarsun batec nai hartu
munduti phartitseco
thenoria sait heltu
Bestalde, D879 bertsoari legokiokeen alde honetan, C izkribuko testua
mozten da (Ereguina Espaignakoua mintzaoharrak alabari egindako agurraz
jarraituko zuela erakusten digu), eta obra bukaerako folio solteak datoz:
64. orrialdea (C857-C873 bertsoak: Jeanen hil hurraneko otoitzak); zenbaki
gabeko bat (C874-C890 bertsoak: Frantziako gortekoen lantua, kantua, eta
Jeanen heriotza); eta 62 zenbakia daraman bat (C889 eta C890 bertsoak:
Jeanen otoitz zatiak; C891-C896 bertsoak: Anglaterre batailarako prest eta
zati ulergaitz bat, A izkribuaren bukaerakoekin elkartzen direnak, D820
bertsoko oharrean esan den bezala). asken peredikia dagoen orrialdeak 66
zenbakia darama. Esan dezakegu beraz, azken aldera urratu eta nahasi
samarra dagoela C izkribu hau.
D877-D901 bertsoak Ainciondoren izkribuan besterik ez daude. Bertan azken
edo laugarren bataila aurkitzen dugu. Genero tradizionalaren finkatze
bidean batailak gehitzeak garrantzitsua dirudi, eta oraingo honen barruan
Infanta eta Anglastreren atzemateak gertatzen dira. Beharbada, atzemate
horiek A. Garamendik proposaturiko eszena ereduetako bati legozkioke:
"Capturas. Cuando un guerrero (Anglastre bai behintzat) es capturado por el
bando contrario, no opone resistencia. Se le ata, aunque conserva su arma"
(1990: 590-592). Dena den, notazioan erakusten duen horren eszena
sistematizazio zehatza onartzeko, pastoral izkribuen azterketa sakonagoa
behar genezakeelakoan gaude.
(902)
Hemen, B izkribuaren azkeneko partea egokitzen zaigu orain, hiru folio eta
erdiz osatua (14, 15 eta 16aren versoa hain zuzen), Baionan dagoen
ordenaren arabera. Hortik aterako ditugu B312-B351 bertsoak eta azquen
pherediquia osatzen duten hamazortziak.
B312: plazer. gouan. Hirugarren lerroa: eretiratu cambarala. phausu.
ANTZ.: Bara/orai eretiratçen dira biereguin/ac.
(903)
605