eskuizkribuen azterketa eta iturriaren moldamoduak - Euskara

era ere izendatzekoa alegia. Dena den, hitzaren arlo semantikoaren
zabalkuntza datatzeko beste pastoral izkribuetan ematen zaion adieraz
konparatu beharko litzateke. Haritschelhar jaunak jakinarazi digunez,
oraindik ere frantsesez esandako balio guztiak mantentzen ditu terminoak.
1.4.3. Irakurgida.
Pastoralak, bost izkribuen bilketa izanik, irakurtzeko
posibilitate anitzak eskaintzen dizkigu, nork bere interesen arabera joko
duelarik Dko oinarri testu hutsera (6.1. atala), edo gero datorren bertsoz
bertsoko alderdi kritikora (6.2.). Azken honetan, esan bezala, beste
izkribuetako aldaerak, pastoralgileen hizkera eta antzezmoduari buruzko
ohar-iruzkinak, eta oinarri testuan azaldu ez, baina izkribu zaharragoek
ematen dituzten bertso osagarriak irakur daitezke.
Zeregin hori errazteko moduan, eta antzerkiak nahiz romanak
(2.2.1. atala) aurkezten diguten istorioaren egituraren argigarri, hona
hemen irakurgida zehaztua, D izkribua oinarri hartuta, eta horren arabera,
A, B eta C izkribuetako testuaren agerpen-desagerpenak azalduta. Horiekin
batera, hiru haietatik gehitutako bertsoek Dko testuan duten kokapena eta
iturrian agertzen ez diren zatiak (azken hauek maiuskuletan) aipatzen dira.
Pastoralaren edukiaren eskema orokor hau 3.1. atalean garatuko dugu. Gida
honetan ez dugu E izkribua sartu, aparteko konturik ez baitu gehitzen.
LEHEN PHEREDIKIA: D eta C berdin. Ak hiru bertso gehiago (D79 eta D81),
baina izkribu hau Dko LPh31 bertsoan hasten da, aurrekoak galduta baitaude.
ARRIBANTCHA: D eta Cn.
HASERAKO ERRONKA (D22 bertsoraino). D eta Cn bakarrik. Bertakoen artean, D4
eta D7-12 ez daude Cn. Ck bertso bat gehitu (D19).
I. ESPAINIAKO KOROA BERREZARRI (D23-126), ALABAREN ESTABLIMENTIA eta
FRANTZIAKO ERREGEREN HERIOTZA (190 bertsora arte):
D28an A izkribua agertu.
Dk gehitua: D182.
An ez daudenak: 37, 57, 69, 140 eta 141.
44