eskuizkribuen azterketa eta iturriaren moldamoduak - Euskara

hutxa (6. bertsoan); bena noula baita chotilla/huxa Segur da coumbait eguin
dugula (Bko APh 4.ean); eta 9.ean:
Bena noula beita aisa
guiçonaren faltala erortia
pharka eçagucie goure inocentcia
compagna ohoragarria
2) Trageriaren laburpen txikia (12-15 bb.) eta erlijiozko
irakaspide edo moralitatea (11 b.).
Laburpena C eta D izkribuetan besterik ez da azaltzen. Bertan,
lehen pheredikian ez bezala, grenada erregeri eta Salbaje-ei egiten zaie
erreferentzia, emandako batailak aipatuz. Erlijiozko irakaspidea, gure
pastoral honen kasuan, otoitzeko gomendio hutsez formulatzen da.
3) Azken agurra eta dantzarako gonbitea (10, 16 eta 17 bb.).
Bukatzeko esaldi berbera erabiltzen da D, C eta B izkribuetan:
Eta orai populu ohoratia/pharka goure nabastarria (17 b.). Bestalde,
badirudi dantzaldia ikuslegoak, obra entzutearren, aktoreei egindako
ohorearen ordain bezala edo hartzen dela, 10. bertsoan (eta hiru
izkribuetan) agertzen denez; izan ere, pastoralaren luzea publikoa
asperrarazteraino ere ailega baitzitekeen, Cko 17, B eta Cko 10 eta Dko 16an
irakur dezakegun bezala. Azkenean, amaierako dantzan denek, aktore eta
ikusleek, hartuko zuten parte (D 17 eta C 17 bb.).
1.4.2.3. Terminologia.
Pheredikietan pastoralak izendatzeko hitz desberdinak agertu ohi
dira. Izkribu hauetan ere zerrenda nabarmena agertzen zaigu. A izkribua da
kontu honetan urriena, tituluko trageria besterik ez baitago bertan; baina
urratutako folioetan besteen antzerakoak egongo zirela eman genezake.
Ainciondok hitz bera darabil izenburu moduan, baina frantsesez. Beste bi
izkribuetan ez dago titulurik.
Testu barruko terminoei dagokiela hauek dira agertzen direnak:
batetik, trageria (C eta Dko LPh 4; B, C eta Dko APh 6; Bko APh 13 eta Cko
42