eskuizkribuen azterketa eta iturriaren moldamoduak - Euskara

ezartzeko oharra. Agian, agurraren ondorengoa izanik, jendeak beste arrazoi
bat gehiago izango zuen pastorala behar bezala ikusteko, baina ez da bat ere
lotzen pheredikiaren garapenarekin, askoz geroago, Burgoserako sarrera
desfilean agertzen baita mairu hori, Jeanen suitaren barruan.
5) Erlijiozko irakaspidea (LPH 80 b.) eta jokalarien iriste
iragarpena (LPh 81 b.).
Bertan nabarmentzekoa, irakaspide edo Jainko aipatze hori
agertzea da, lehen pheredikirako ez Hérellek ez Oihartzabalek aipatzen ez
dutena. Ako bertsioan (LPh 80 b.):
Soguin eçaçie jente hounac
noula jiten diren gaiçac
jincouaren gracia dienac
eguiten dutu nahi dutienac
Jokalarien iriste iragarpen esplizitu edo zehatza A izkribuan
bakarrik ematen da: ene Lagunac jiten dira/emanen Beitericie Satisfamentia.
Cn eta Dn ordea, pheredikaria izango da lagunen erakhartera joango dena,
çamarietara eta Sonu eguiliekin hurrenez hurren. Bestalde A izkribuaren
lehen pheredikia osatu gabea bada ere, beste bietan agertzen ez diren hiru
bertso ematen digu: Ako LPh49, 52 eta 53 (LPh 79 eta 81 bb.). Guztira 85
bertso izango zuen izkribu horrenak, kopiatzaileak (84 vers) kopurua
zehazten baitu, allicor mairuaren aipamena daramana gehitu baino lehen.
E izkribuko laburrean, obraren laburpena erdian mozten du, eta
predikariak aktoreei egin ohi dien deirik gabe, erantsitako bertso honetaz
bukatzen du:
Anglesac hanitch gaisataic
bethi eguiten seron galtho
bena bestiac arapostiac
emaiten ounxa esinago
1.4.2.2. Jean de Parisen azken pheredikia.
40