eskuizkribuen azterketa eta iturriaren moldamoduak - Euskara

horretan esaten denez, 1783an "rendit les comptes de Sa gestion de deputé a
la Comté.". Esan nahi al du horrek orduan bertan karguari utzi ziola, ala
segitu ote zuen, eta 1789an sinatu Zuberoako tiers état-eko diputatuen
"Cahier de Doléances" famatu eta alperrikako hura? Zeren bertan Etchabarne
bat azaltzen baitzaigu bukaerako sinaduren artean... (ikus Régnier, 266-279
orr.: "Cayer Général des Plaintes et demandes du Tiers-Etat de Soule").
Ezin izan dugu gehiago zehaztu; azpimarratzekoa da, hala ere,
herri erakundeetan izan zuen presentzia, pastoralgileen artean, geuk
dakigula behintzat, hain ohizko gertatuko ez zena.
Bestalde, Etchebarneren izkribuan, esan den bezala, Pierre Lahore
"Regend" azaltzen zaigu, Karrikiri Bordet Alozekoarekin batera.
Lehenengoaren izen-deitura berberak aurkitu ditugu 1783ko
abuztuaren 2an Barkoxen eginiko heriotz agiri batean. Hildakoa Pierre
Pinotan edo Pirrotan delako bat izan zen: "...son Corps a été inhumé
au/cimettiere de Cette parroisse au delay de l'ordonnance/et en presance des
Sieurs Constantin et de pierre Lahore du/Bourg de tardets qui ont Signe avec
nous Curé". Sinatzen dute: Constantin, Lahore eta De Suhare curé (4E
azpisaileko 93 zenb. 11. or.). Ezin dugu segurtatu Etchebarneren izkribua
erabili zuen errejenta bera denik, azkeneko honek Eihartxen (Barkoxetik
gertu) modu diferente samarrean sinatzen baitu.
Bigarrenaren abizena askotan agertzen da Alozeko garai horretako
agirietan (esaterako 4E,17 zenb. 2. or. eta G.G.1, 5. or.). Hala ere, behin
aurkitu dugu bertako Bordet etxearekin lotuta, aipaturiko azken erregistro
horretan. Bataio agiri bat da D'etchecopar apaizak sinatua: "Le vingt un
juillet mil Sept Cens Soissante onze Ciprian Delichalt d'Alos, a Eté Baptisé
par moy Curé Soussigné, né Le vingt du meme moys et an que dessus du
legitime mariage de jean Cadet de Carriquirj dela dt paroisse d'alos, et
D'anne Cadette Dilhorrj de Laguinge Son Epouse Demeurants actualement Dans
La dt maison d'elichalt Dalos, le parrain à été Ciprian de Carriquirj Sieur
De la maison de Bordet d'alos Son oncle germain La marraine marianne
Delichalt Sa tante Daliançe qui n'ont pas Signé pour ne Savoir".
Ciprian hori ote zen Lahorerekin batera Etchebarneren kahierra
urratu zuena? Horrela izanda, kahierraren lehen orrialdean dagoen oharra ez
ote zuen sinatuko, idazten ez zekielako? Eskueran ditugun datu apurrek ez
digute inolako ondoriorik ateratzen uzten.
34