eskuizkribuen azterketa eta iturriaren moldamoduak - Euskara

aiçinety Edo ondoty du tristeçia
Hérelleren zerrendaren arabera beste bi izkribu legozkioke
Etchebarneri. Bata Jacob da (Bordele, 12 zenb.) eta bertako 69 orrialdean
Etchebarne de Charritte agertzen da, harkatz gorriz eta gure izkribuko
sinaduraren letra oso antzekoaz idatzia. Testuan azaltzen den letra,
bestalde, gure Crena bera da, herskari aurreko hobikaria berdin ematen
duelarik: askhena, asken, Estugu etab.
Besteak ere Cren letra bera du (Saint Jean Baptiste, Bordele 11
zenb.). Lehen pheredikia eta gero, 7. orrialdean, Ck bezala adierazten du
aktoreen iristea: aribada Eguin. Hitz azkeneko -t eta -k morfemak eta
herskari aurreko hobikaria gurean bezala ematen dituela dirudi, orrialde
berean irakur dezakegunez, Gabriel aingeruak sujetaren jaiotza aitari
iragartzen diola:
Grabiel Jalky
Zaccaria Estiala
Batere Lotxaric
hire othoiçe justouac
gincouac Ençun çitic
hire Emaste Elisabetec
semebat ukanen dit
Jincouaren Eretcian handy dukec
Jçena Jouhane ukhanen dit
Izkribu amaieran (88 or.) ex-librisa agertzen da, testuaren letra
eta tinta berberez idatzia: fait à Charrite/par bernard Detchebarne. Gero
sinatzen du gure izkribuko 55 orrialdeko zati erantsian bezal-bezala:
Etchebarne.
Hérellek, paper zati horretako datan oinarrituz, 1783an bizi zela
diosku: "Il vivait encore en 1783". Leku horretan erantsi nahi zuen bertsoa
idazteko, Etxebarnek ordainagiri baten zatia erabiliko zuen. Beharbada,
aurrerago esango dugunez, artean herriko diputatu baitzen, zeregin horrekin
nolabait loturiko ordainketa izango zen (ikus 766 bertso-oharra).
30