eskuizkribuen azterketa eta iturriaren moldamoduak - Euskara

Bigarren foliotik aurrera hasten dira orrialde zenbakituak (1, 64
eta 65 berrikiago eta gorriz, Hérellek seguruena). Lehenengo orrialdean Le
premier prologue. Laugarrenaren bukaeran fin 81 Vers/ Faut il faire
arribantcha. Pertsonaien iriste ordena markatzen du bost taldetan, azkenean
apaiza jarririk. 63 orrialdean Le Dernier prologue de Jean de Paris;
orrialde bukaeran fin de la tragerie/de Jean de Paris/Le Dernier prologue/En
18 Vers (sic)/Pierre Ainciondo. 64ean beste pertsonai zerrenda bat, batetik
hogeita hamabira zenbakituta daudela eta beste daturik gabe. Orrialde
berean, behekalde eskubitara, trabes idatzirik eta idazkera berriagoz,
korritu kalkulu irakurgaitz bat dago (Sy l'm pay fr. 45 d'yntèret pour 3 ans
5 mois...), Pierre Çelhay-k sinatua: Jevous Salue/Pierre Çelhay/de la
Commune/D'aroue L'an/mil huit Cent vingt/sept. 65 orrialdean Roland edo
Charlemagne zatekeen pastoral horren pertsonaien bertso kopuruaren
zenbaketarako eragiketak, pertsonai izenak laburduraz jarrita.
Zenbatu gabeko azken orrialdean, idazkera irakurgaitzez, zenbait
nekazal tresnaren faktura litzatekeena: 4 Cart eta Khacha 15fr./4 dozain
.../turteracq .../Cipetel .../By orga .../By orhe .../By got. .../By uztarri
8/Marca 5/9 aitcur eta 2 aila horts 20/ ailphatça eta biburdin 4/ .../Bi
maço 4/Çugoua 15/charria 4/hirour ... 9/Ecalapo articot 5/Bi aizcora 5/
.../2 ferreta 8/3 Bertz 19. Orrialdearen eskubi aldean hitz solte batzuk,
kaligrafia saioak edo ematen dutenak:
houra/haraguia/Monsieur/Soiçu/Courequi. Hauen behekaldean:
Dieu/recu/notre/...
pourgatoire.
Beheko eskubiko bazterrean: Marechal-Macaye/le
-Jean Hegiaphalena:
XIX. mende amaierako eskola kahier batean idatzia dela dirudi
(trageria hasi aurreko orrialdean estatu frantsesaren karta dator hainbat
geografi-daturekin). Bertan, Jean de Paris ez ezik, Ste. Elizabet ere
agertzen da. Guztira, lau edo lau bertso t'erdiko 106 orrialdetan idatzi
zuen trageria. Lehen Pheredikiak aurreko zazpiak hartzen ditu 31 bertsoz,
eta azkenak 104tik 106ra, biak barne, 13z. Emanaldiaren beraren testua (8-
103 orr.) 405 bertsotakoa da, pastoralgileak zenbakitutakoaren arabera,
baina honako huts hauek ageri dira bertan: 180, 364, 365, 366 eta 374
zenbakiak errepikatuta daude; beraz, 410 bertsotako emanaldia da eta,
guztira, 454 bertso ditu izkribu honek.
Titulua frantsesez ematen du, berak idatzitako lehen orrialdean:
Tragedie de Jean de Paris. Gero, zuzenean hasten da Lh. Pheredikia eta
titulua modu berean errepikatzen du emanaldia hastean. Horren amaieran,
21