eskuizkribuen azterketa eta iturriaren moldamoduak - Euskara

Anglaterreko errege eszena gainean egongo zen dena entzuten, eta
hemen mozten da izkribua. Hala ere, suposa dezakegu, iturrian bezala,
Anglaterrek haserre alde egingo zuela, Infantak gurasoek behiala egindako
agindua betetzea nahiago zukeela esan ondoren, hau da, C eta Dn baino
bertso batzuk beranduago. Gero, izkribuaren zati urratuetan irakurtzen
den testu apurrez, esan dezakegu berriz bueltatuko zela batailatzera.
Zati horiek Cko beste bertso batzuekin batera ematen ditugu osagarri
bezala (820 b.).
Ck eta Dk ordea, desberdin ematen dute eszena joku hori. Jeanek,
gortera ailegatuta, esaten dio Infantari bere armada ofritcen diola,
biharamonean izango duen batailarako, gorago esan dugun bezala (2.1.
atalean). Honela, Anglaterreri gurasoek agindutako ezkontzari
erreferentzia ironikoa eginez, bi izkribuotan Infantak, ez iturrian, ez
An, agertzen ez diren bi bertso hauek errezitatzen ditu:
763 ôi Charmagarria Cira
eta manera propia
oroz Complitia eta
Nounda Çoure paria
764 Çuq erran discousaq
eztit hambat Comprenitcen
Bena juan gabe arren
deiztaçu Compreni eraciren
Noski, Cn eta Dn Izkutuko Saioan elkar hartu dute bi gazteek, eta
Anglaterrek ezin du eraman ustezko andregaiaren eta Jeanen afrontua;
beraz, bazkari edo kolazionea errefusatu eta alde egingo du.
Tamalgarria da B izkribuaren alde hau galdu izana; zeren, ikusi
dugun bezala, bakarkako saioa egiten baitu Infantak lehenago, eta honek
agian izkribu berrienek erakusten duten aldaketa horretarako joera
erakutsiko baitzuen.
Pastoralaren zati hau bestalde, gorago zehaztutako iturriaren
hainbat ediziotan ageri den boskarren laburpen edo testu mozketari
139