eskuizkribuen azterketa eta iturriaren moldamoduak - Euskara

jin othe denez houna
jan deparisec jgorri badu
Segur nuçu cerbait holaco dela
Honek Grakobiako gobernadoriari bide ematen dio, bere gerlari
abileziak harro-harro erakusteko Espainako erregeren aurrean. Hala ere,
honen erantzun ironikoa besterik ez du lortuko (A397 b.). Nagusi-morroi
arteko ohizko saio topikoaren arrastoa soma dezakegu hemen, antzezpen
komikoetan eta satanen artean hainbatetan agertzen dena.
IV. Jean eta bere suita Burgosera sartu (501-754 bb.).
Parte honetan aipatzeko moduko zenbait gorabehera badago, pastoral
izkribuen eta iturriaren edizioen artean.
Iturriaren edukiari dagokiola (31-47 kap.), labur samartua dago
izkribuetan. Erabat kendutako kapituluak sujetaren suitaren partaide
batzuen hirira sartzea kontatzen dutenak dira, alde batetik: 37. kap.
(six aultres clerons) eta 39.a (les trompettes). Hauek gorago zehaztu
ditugun 2. eta 3. laburpenei dagozkie (2.5.2. atala).
Beste alde batetik, pastoralgileek sarrera desfilea laburtzeko eta
beren posibilitate xumeetara egokitzeko ahalegin horretan kendu
dituztenak, hauek dira: sukaltresnen orgak, baxerarenak eta Jeanen
atzegoardiaren sartzea aipatzen duten 33, 34, eta 42 kapituluak.
Horretaz gainera, aldaketa esanguratsu bat egiten dute 40.enean.
Edizio guztietan "le grant escuyer que portoit son espee dedans le
fourreau tout couvert d'orfaverie et de pierres precieuses" dena, A, B
eta C izkribuetan Orleanseko dukea izango da, baina ezpata bilaizirik
azaltzen dena (629b.). D izkribuak, aitzitik, pasarte hau kendu egingo
du.
Azken batean, iturriko desfilean bi elementu nabarmendu nahi dira:
Jeanen boterea eta aberastasuna. Izkribuetan antzera gertatzen da, baina
A, B eta C botere beldur eragilea azpimarratzera lerratzen diren
bitartean, Dk modu orekatuago batean jokatzen du, elementu gerlaria
egokituz (Ako Grecobiaren saio gerrazaleaz gainera (604 eta 637 bb.).,
Orleans ezpatadunarena ere kenduta, eta jantzi edo presenten xehetasunak
erantsiz).
134