eskuizkribuen azterketa eta iturriaren moldamoduak - Euskara

* Histoire/de/Jean de Paris/Roi de France/A Troyes/chez
Baudot/Imprimeur-libraire/Rue du Temple, nº43. (Pariseko
Liburutegi Nazionala, 16º Y2 pièce 751).
Itxura guztien arabera, ale hau A. Morin-en katalogoko
494 zenbakidunari dagokio. Ez du inongo datarik ematen, baina
liburutegiko fitxan honako ohar hau irakur daiteke: milieu du
XVIIIème siècle. Dena den, Bollème-ren Troyes-eko
inprimatzaileen zerrendaren arabera (1975: 399), Baudot
familia XVIII.aren azkenetik XIX. mende erdira bitartean
arituko zen lanean.
Alabaina, laburpenen azterketa eginda, XVIII.aren lehen
erdikoa, edo garai bertsuko batetik hartua dirudi; izan ere,
lehenengoa, bigarrena eta boskarrena J.-A. Garnier-enean
bezala agertzen diren arren, laugarrena Nodier-ek
ateratakoaren berdina da. Hirugarren laburpena ordea, ez da
hemen agertzen eta Jeanen tronpeten sarrera aipatzen da
desfilean, kapituluaren izenburua aldatua bada ere.
* L'Excellent Roman/nommé/Jean de Paris/Roy de France/lequel
aprés que son père eut mis le Roy/d'Espagne en son Royaume,
par la/promesse, & par les pompes & subti-/litez, épousa la
Fille dudit Roy d'Es-/pagne, laquelle il mena en France
&/véquirent en grand honneur a la gloire/de France. A
Berrias/chez François Arvieu, Imprimeur & Marchand/libraire à
L'Enseigne du Merle blanc/MDCCXL. (Pariseko Liburutegi
Nazionala, 8º Y2 56484).
Ale hau Bollème-ren katalogoan 531 zenbakipean agertzen
diren bietako lehenengoa da. Bertan data gabekotzat jotzen
duen arren, garbi azaltzen da zenbaki erromanoez
inprimatzailearen datuen azpian.
117