eskuizkribuen azterketa eta iturriaren moldamoduak - Euskara

17 sept. 1736. (Pariseko Liburutegi Nazionala, 16º Y2 6 pièce
290).
Ale hau A. Morin-en katalogoko 486 zenbakiduna da
(1974: 208). Garnier-tarrak, Oudot-enekoak bezala, Troyes-eko
inprimatzaile familia inportanteenetako bat izan ziren eta
nobela hau askotan argitaratu zuten.
Honela, katalogo horretan beste edizio batzuk dauzkagu,
eta tartean Wickersheimer-ek aztertutakoa, bost laburpenen
gida ematen diguna alegia. Edizio hori Morinen katalogoko 484
edo 485 zenbakiduna izan behar da, bion deskribapenean
xehetasun aipagarri hauek daudelarik: chez J. A. Garnier eta
Permission à Pierre Garnier, Versailles, 19 mai 1738.
Bollème-k buruturiko Troyes-eko inprimatzaile zerrenda
barruan ordea (1975: 398), honelako segida dugu familia
horretan: Pierre I, 1662-1738; Vve. Pierre I, ...1754; Pierre
II, 1738-1742; Jean II, 1754-1766; eta, Jean-Antoine edo
Antoine 1766-1780. Beraz, argitaratzeko baimena 1738koa izan
arren, J.-Antoine delarik bost laburpenak aurkezten dituen
edizioaren egilea, gerora, mende erdia pasata aterako zuen.
Itxura denez, emandako baimenak askotan erabiltzen ziren obra
berbera, moldiztegi jakin batean hainbat alditan
argitaratzeko.
Guk aztertutako alea beraz, urte batzuk lehenagokoa
izango zen. Hala ere, Wickersheimer-ek aztertutako Jean-
Antoine-nean dauden laburpenen oso antzekoak aurkezten ditu,
laugarrena baita desberdin agertzen den bakarra, beste edizio
batzuetan ere detektatu dugun 44. kapituluaren ezabaketaz eta
hurrengo hiruren murrizpenaz.
Azken batean, XVIII. mendearen lehen erdian somatzen
den aldaketa multzo hori ez zen bat-batean egingo, pixkanaka
baizik, eskuartean izan ditugun aleetan ederki ikusten denez.
116