eskuizkribuen azterketa eta iturriaren moldamoduak - Euskara

Andries-en arabera. Rouen-en mende hasieran ateratako
edizioren baten bertsio izan liteke.
* L'Histoire/de/Jean de Paris/Roy de France/lequel aprés que
son pere eut remis le Roi d'Espagne/en son Royaume, il en
épousa la fille, laquelle/il amena en France/A Troyes chez la
Véve (sic) Jacques Oudot/Approbation, 15 oct. 1714. (Pariseko
Liburutegi Nazionala, 16º Y2 15553).
Edizio hau zenbakitu gabe eta galdera ikurraz agertzen
da A. Morin-en katalogoan (1974: 207), galdera hau egiten
duelarik: "Est-ce bien une édition de 1714, ou celle de 1746,
avec permission de 1714, citée plus loin, nº 496?". Aurreko
hipotesia da egiazkoa, zeren ale honetan ez da, 496
zenbakidunean gertatzen den bezala, ez 1714ko abenduaren 1eko
baimentzerik, ez Oudot-en ofizio izendapenik, ezta helbiderik
ere, nahiz titulua berbera izan. Morin-ek ale honen izenburua
okasio-liburuetako katalogo anonimo batean aurkitu zuen, eta
496 zenbakidunarena L. Morin-en bildumaren zerrendan, baina
azken hau galdua da.
Interesgarri gertatzen da Jacques Oudot-en alargunaren
ale hau. Aprobazioaren data fidagarria da, Bollème-k (1975:
398) dioenez, andre hura 1668-1741 bitartean arduratu baitzen
moldiztegiaz.
J.-A. Garnier-en 1738koaren antzeko gertatzen da, baina
lehen eta boskarren laburpenei dagokiela bakarrik. Bigarrena
eta hirugarrena ez dira agertzen eta bertako lau kapituluak
XVII. mendeko edizioetan bezala ematen dira, aldaketa xumeak
gorabehera. Laugarrenean, 44. kapitulurik ez da agertzen,
baina bai hurrengo hirurak, nahikoa laburtuta badaude ere.
Wickersheimer-en analisiaren arabera, esan genezake
Oudot etxeko edizioetan XVII.etik XVIII.era egindako
aldaketen eredua dela.
* L'Histoire/de Jean de Paris/Roy de France/A Troyes chés
(sic) P. Garnier librairie rue du Temple. Permission du roy,
115