eskuizkribuen azterketa eta iturriaren moldamoduak - Euskara

ez da 16. kapituluarena, Wickersheimer-ek aztertutako
Garnier-en alean bezala, 14.arena baino.
Bigarren eta hirugarren laburpenak Garnier-enean bezala
agertzen dira, baina laugarrena, osorik behintzat, ez; izan
ere, 43. kapituluaren titulupean 43 eta 45 kapituluak sartzen
baititu, 44.a janez (Quarionen esplikazioak Jeanengana
iristen utzi ez dietela eta). 47.a 46aren barruan eta bost
lerrotan laburtuta dago. Boskarren laburpena Garnier-enean
bezala agertzen da. Beraz, uste dugu Nodier-ek ale honetarako
egiten duen datazioa ez dela oso fidagarria, XVIII.ean emango
ziren aldaketak erakusten baititu.
* Histoire/de/Jean de Paris/Roi de France/NOUVELLE EDITION/ A
ROUEN/ chez Lecrêne-Labbey Imprimeur-libr.,/Grand-Rue, Nº
160. (Madrilleko Liburutegi Nazionala, R11514, P. Gayangos-en
bildumakoa).
Ez du datarik. Rouen-en badirudi hainbat aldiz
argitaratu zutela gure nobelatxoa, bai Nodier-ek (xxxij or.),
bai Bollème-k (1975: 438), edizio bana aipatzen baitute, 1701
eta 1705 urtekoak, hurrenez hurren. Bigarrenaren izenburua
gure ale honenaren berdina da, baina inprimatzailea
desberdina.
Edizio hau Garnier-enaren deskribapenari dagokio neurri
handi batean. Lehenengo hiru laburpenak eta boskarrena berdin
ematen ditu.
Laugarrenean ordea, 44. kapitulua osorik jaten du,
Nodier-ek ateratako alean bezala. 45.aren izenburua ematen
duen arren, ez du kontatzen nola erabakitzen duten Espaina
eta Anglaterreko erregeek Jean gonbitatzera beraiek joatea,
inongo adierazpenik gabeko saltoa eginez eta kapitulua bi
parrafotan laburtuz. 46.an gauza bera, antzeko saltoa dago,
eta 47.a sei lerrotan agertzen da, titulu eta guzti. Ecosse
eta Pologneko erregeak, Nodier-enean bezala, badaude.
Garnier-enak baino laburpen gutxiago izanik ere, ez dirudi
XVIII. mende hasiera baino aurreragoko batetik hartua denik.
Inprimatzailea XIX mende hasieran aritu zen, Marais eta
114